Versículos bíblicos populares de Mateus 3

Compartir

Mare taro jetorodo tarore jiboeji boe erduwo taroji boe erduwawo tare tagera ra taro pegareu piji duji.

Nono Pao Kurireu makore baru piji. Akore: – Itonaregedu reo. Imeardu kurire ji rugadu. Ure iagaredo i rugadu.

Ure Jesus ao pegodo rugadu. Dukeje Jesus ure tudawuje Jordão Po piji. Nono barure tuiado. Jesus jordure Pao Kurireu Uwari ure turawuje baru piji rugadu. Ure nono metugore. Ure tumugudo Jesus keje.

Boe ere tugera ra turo pegareu piji dukodire ire etao pegodo pobo tabo. Mare ia imedu ro kodumode ikoriwu aregodumode kuri iregodaji. Boe pemegareu nure ema, boe kurireu mode ema rugadu. Dukodire ipogurumode ipureduwo ji, kurikareu nure imi kodi. Emare umode Tuwari tugu boe emeardaeto boe ero pemegawo. Umode ro pegareuge ewarigu joruto jamedu.

Boe emode tudureboe i butudo jerigiče tudu bokware dukodi. Tagi tagagomode tamoduie tagera ra taro pegareu piji mare taro pemegamodukare, tameardae pemegamodukare dukeje Pao Kurireu ro pegamode tai jamedu nono boe erore nou jerigi jitu mogadure. Mare jerigi ji karega inagoino. Boe pegamode tai rugadu. Dujire inagoino. Pao Kurireu umode boe pegado tai taro pegareu moriče kuri je rugadu. Dujire inagoino.

Ainore João Batista akore. Marigudu Pao Kurireu ure boe ewie ia makore Pao Kurireu bataru jiwu aregodumoduie nono João Batista mogadure rugadu. Mariguduwu makore Pao Kurireu bataru jiwu Isaías ure nou Pao Kurireu bataru bu bapera keje. Akore: – Ia imedu uwadodunure boe maereu keje boe ewo awara jetorodo boe eimijera aregodu pemegawo boe etae. Mare awara ji karega akoino. Boe ewo turo jetorodo. Dujire akoino. Boe ewo turo pemegado, umode boe ekinorudowu imedu aregodumode Pao Kurireu piji kodi. Dujire akoino. João Batista jirabodu Pao Kurireu akoino.