Versículos bíblicos populares de AYohana 6

Compartir

AYeso fɛrɛng, “Imi wu in yet akpam e yɔng fɛ́ nesek kutset e. Ngma ayɔng fɛ́ a bɛ́ ni mi, a bi tɛ fok nzong awo, ngma ayɔng fɛ́ nɔɔk atsak ni mi, a bi tɛ fok iyɛ ngash awo.

Kabik ka, ka nesek kutset; kurɔm bɛ̀ agap ikikak awo. Kucɛɛt fi in mi ki nye yin ne yet kabik ni Kutset.

I bi sɔ yin mgbang kutomong nek nayak fɛ́ na beseng awo, tit nek nayak yɔng fɛ́ na sok izen ne na nesek kutset vit igang, fi Arim Anet da ki nɔɔk yin. Naton wu fɛ́ Ada Adakunom mi di te izizɔ acicɛ wu.”

Nek kushim Ada hom yet kaangan fɛ́ a di Ari wu, a di nɔɔk atsak ni wu, na a sɛ kutset vit igang, In bi ku donong ni kutset atuk igang azatse.”

AYeso fɛ̀ ni iba, “Ikyɛng de fɛ́ Adakunom shim ni nye yin: Nɔk yin atsak, na ayɔng fi iwu tom e.”

Ngma bayɔng fɛ́ Ada me di nesek, ba da bɛ́ ni mi, ngma ayɔng fɛ́ a bɛ́ ni mi, imi da ku ramin awo.

ASiman aBitrus fɛ̀ ni wu, “Akɔk-ashon, in da tseng yit sak narɔ angan ɛ? Ngɔn wu fi i bɛ̀ ifɛ̀ fi inesek kutset vit igang.

Imi wu in yet akpam atset, fɛ́ a ne azanɛn. Kaangan fɛ́ a ya akpam e yong, a da sot ni kutset vit igang. Akpam e yong yet inam irɔm in, fi in da nɔɔk nek kazatse di ki sɛ kutset.”

Vit anet fɛ́ a da kyem a bɛ́ ni mi, tit Ada fɛ́ a di tom, iwu fɛ́ a ku kɔrɔk, imi bi ku donong ni irɛk, atuk igang azatse.

Nek aKpam Adakunom yet ayɔng fɛ́ a nes azanɛn, fɛ́ a nesek banet azatse kutset.”

Imi wu in yet akpam fɛ́ a nesek kutset!

AYeso ma sok akpam e, a ra awon natoon e, a kabasa banet fɛ́ ba se ni sosok e, a tɛ a ka ba kaba ìzos e anɔng ba, kaangan ya ma na ku kyem. Ama fɛ́ kaangan mi ya ba hwyas, aYeso ma fɛ̀ ne bafi imɛɛs wu, “Tsi tusung yin ngma ikyɛng fi ikyɛk. Da i bi won yin ikikak bi beseng awo.”

Ama fɛ́ ba mi tsɛ bakat amil ataat sak ataat ni ibit, ba fɛ̀ ba di aYeso na tsin tseng naton ashi, sak ibɛ narɔ kukyɛ ashi me, inyim ka ba yit makiyi. Wɛt iwu fɛ̀ ni iba, “I bi fok yin nnyim awo, imi yɔng.”