Versículos bíblicos populares de ROM 8

Compartir

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

Metihtiah n'tu thaihu lawngkhaw amah kah lungna dawng kalawng m'pekbo thai manawh tite aciimphanla ka ming: duekna oen hingna lawngkhaw, vanthlaang thli oen vaan kah ukkung thli tha-awm tharana lawngkhaw, tahe kah atue atang oen hailam ben atue-atang lawngkhaw, dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

Te tila mami tha a yoek dawngah mami bawmcem hamla Muithla tah va law. Mami lawng metila thangthui ham koei ti khaw m'ming u nawh dawngah awl oen thui thai nawh kopaangna oen Muithla lawng mami ham Pathen tengah avan bih.

Tetih atah he kawngah he n'tu nuem mami lawng n'thui thai ai? Pathen lawng mami he m'pai puei atah a-u lawng mami he n'raalna ai?

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Pumsa ngaihna ah khawsak phu tah duekna ni. Muithla ngaihna ah khawsak phu tah hingna oen ngaimawngna ni.

N'tu lawngkhaw, pek thai manawh, he ang raina thaihu thli boeih he mami aka lungnakung rang oen mami lawng n'taa boeih ai.

Tahe veng mami kah patang palai khangna he hai benkah mami tengah aka thoeng ham koei ruep-awmna oen ah nuehtah koei nawh ni tila ka poek.

Tedawngah a-u lawng mami he Khrih kah lungna dawng kalawng m'pekbo thai ai? Raina, heemtekna, khawkhana, khawdengna, mueirihtamyiin duekna lawngah m'pek thai ai aw?

Mami kah thinkaw aka ming Pathen lawng Muithla kah kawpoek te khaw a ming; metihtiah Muithla lawngtah Pathen amah kah kawngaih angla a thlaang thli yuengah a bih pe dawngah ni.

Pathen Muithla lawng a mawt thlaang thli tah Pathen kah ca-anau la awm.

Amami kah pumsa ngaihna angla aka hing thlaang tah pumsa ngaihna lawng a thinkaw te a uk. Muithla kah ngaihna angla aka hing thlaang tah Muithla ngaihna lawng a thinkaw te a uk.

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Mami he Pathen amah kah ca-anau la n'awm tite thui ham Pathen kah Muithla amah roe te mami kah muithla oen tuhkai haih hih. Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

Tedawngah thlaanghing lawng amami pumsa ngaihna angla a awm a tah Pathen raal la awm; ahimi lawng Pathen kah phungawl te vai nawh, ahimi lawngah vai khaw vai thai roe nawh.

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

Tecoengah a suen thaihu lawng tahe tue toe ah camoe awm tawm vengkah a tlawh angla tlawhna oen kopaang u tite mami lawng m'ming u.