Versículos bíblicos populares de CELTUIH 1

Compartir

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Jesuh lawng ahimi nala te, “A Pa lawng atue atang oen ari amawng a helh te nangmi lawng na ming ham ngoe mai nawh.

Tecoengah ahimi a tun u vengah he tila awl a thui pe: “Jerusalem he ceh taak u boel, a Pa awlkam akawng alam kavan thui kutdo te ring uh. Johan lawngtah tui oen baptisma te a peek, tede khawhin meyoeh khaw a awm aih thlan ah Ciim Muithla oen baptisma te na dang u poen ai.” tila a thui pe.

A duek coengah khawhin sawmlii khui puet ahimi tengah a phumpho pe tih ahih tah hing tite uepvoetna awm tlaih nawh.

He awl he a thui coengah ahimi kah mik huh roe ah te vaan la luui hang, muui lawng a yaawl khoep tih ahimi lawng hu u thai tlaih nawh.

Te tila vaan la a luui hang te ahimi lawng mik khah muehla vaan benla poe a dan u, tevengah himbai bawk aka bai thlaang pahih ahimi tengah a pai pe tih, ahih rawi lawngah, “Galili thlaang thli, n'tu ah te ah te na pai u tih vaan benla na dan khiing u? Jesuh he nangmi teng kalawng vaan la luui poen, vaan la a luui hang na huh u van angla te a rum thuk koep te na huh u ai.” a tina.