Versículos bíblicos populares de Énkjínkón 13

Compartir

Xota̱ xi ki̱a̱ tsꞌénkámajo̱ xota̱ xi kjínkoón, kjínkón ka̱ma, ta̱nga xota̱ xi ki̱a̱ tsꞌénkámajo̱ xota̱ xi kitikjo̱a̱a̱, ndajín ka̱maa̱.

Xota̱ xi koo̱n ni xi chji̱a̱, ti̱kuíní ini̱ma̱a̱ xi tsꞌénkoón, ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.

Xi tsꞌénchjíni̱e̱jín ndií, kjo̱a̱a̱ nga chꞌórií, ta̱nga xi tjoó ndií, xotí tsꞌénchjíni̱e̱.

¡Ni xi chiyaá kó fotjosónjín, kjo̱a̱ndasen tsjaá ini̱ma̱ná! ¡Ta̱nga xikónií tsi ngo yaá kjo̱a̱mindyion ma, kjiꞌanga fotjosón ni xi mejénná si̱ꞌán!

Kjo̱a̱kixi̱i̱ boá xi koo̱n xota̱ xi kixi̱i̱, ta̱nga ni xi ndajiín boá tsꞌénkjátsón xota̱jeé.

Kjo̱a̱cho̱n xi ndajín tsꞌén kasakoo̱, achichí tsá fe, ta̱nga xota̱ xi tsꞌénxaá, ma tsie ngase kjo̱a̱cho̱o̱n.

Kjo̱a̱nkꞌakoo̱n ta̱ kjo̱a̱xti tsí xi ꞌboxié, kó xota̱ xi ni̱ma̱kjo̱a̱a̱ boá xi tjiín kjo̱a̱kjínkón.

Xota̱ xi ndaxotaa̱ ꞌbijñaá ni ndíndeè, ta̱nga kjo̱a̱cho̱o̱n xota̱jeé, xota̱ xi kixi̱i̱ boá xi sa̱ko̱ó.

Ndí xí kjínkoón, tsꞌénjóꞌo kjo̱a̱botíxomaa̱ na̱ꞌmii̱, ta̱nga ndí xí mojnókiee̱, ntꞌiéjiín nga tjín xí sa̱ꞌínxchánjo̱.

Kjo̱a̱ni̱ma̱ ko̱jo kjo̱a̱soboá kꞌuieé xota̱ xi tsꞌenchꞌó kjo̱a̱botíxomaa̱, ta̱nga si̱ꞌandikón boá kui xi jo̱ꞌo maá nga niꞌánchji̱ni̱e̱e̱.