Versículos bíblicos populares de Énkjínkón 11

Compartir

Xota̱ xi tjiín ngo ini̱ma̱ xi nda nga bosikójo kje̱ꞌe xota̱, ndatsꞌèn kꞌuijñá, kó xota̱ xi tsja̱á nichinie kje̱ꞌe xota̱, ti̱ ko̱e̱ꞌeé kui nga.

Xota̱ xi tsꞌénkábisoón to̱o̱n xota̱ ni̱ma̱a̱, ka̱ma cho̱n ngase, ta̱nga xota̱ xi ndikonkoón, ni̱ma̱ ka̱ma.

Kjo̱a̱nkꞌakoo̱n tsꞌénchájá kjo̱a̱yandikoón, ta̱nga xota̱ kjínkón boá, xota̱ xi ni̱ma̱kjo̱a̱a̱.

Kjiꞌanga jmíjín ngo xota̱ xi nda botixómá, na̱xi̱ńdaá ndajín maá, ta̱nga tsi kjín má xota̱ xi tsjá kjo̱a̱botíxomaa̱, ka̱márií nga nda kꞌuijñá.

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Xota̱ xi ndisoo̱ tsóyà ngayeje ni xi tjiꞌmaá, ta̱nga xota̱ xi ma maꞌniátakoón ta̱xkiya chji̱a̱jín.

Xota̱ xi ni̱ma̱ maa̱ kje̱ꞌe xota̱, ti̱kuíní ini̱ma̱a̱ xi nda tjítsꞌénjo̱, ta̱nga xota̱ xi ndajínxotaa̱, ti̱kuíní yojoo̱ xi ndajín tjítsꞌénjo̱.

Xota̱ xi kjo̱a̱cho̱o̱n maꞌniátakón, ku̱i̱xo̱ xikoó xka̱ kixií ngo yá, ta̱nga xota̱ xi kixi̱i̱, xtjóntsꞌién nginí xikoó tjiaa̱ ngo yá.

Kjiꞌanga kjo̱chó ni̱xtjin nga xcha̱ tsi nda ko̱jo tsi ndajín kiniꞌán, nde jmí ni ka̱machjíjiín kjo̱a̱cho̱o̱n, ta̱kuítsí kjo̱a̱kixi̱i̱ xi kꞌo̱xiéngíná ngi̱ya tsja kjo̱a̱bo̱yaa̱.

Xota̱ xi kixi̱i̱, kjo̱a̱kixi̱i̱ boá xi ko̱siényindi̱yà, ta̱nga xota̱ jeé, ni xi ndajín xi tsꞌén boá xi sa̱ꞌínkjié.

Ngo na̱ tsjakjiꞌi xi chi̱ni, xikónií tsi ngo ni ńtsó to̱nsinié xi tikoón ṉtjo̱n ngo chi̱nga.

Néná achichí chꞌoó baskula̱ chejeé, ta̱nga achichí tsjá maá baskula̱ xi kixi̱ ꞌbochi̱bo̱a̱a̱.