Versículos bíblicos populares de Matioo̱ 4

Compartir

Ta̱nga Kjisoo̱, bi̱ katsoó: –Jè kjitꞌa xo̱jo̱n eén Néná nínga bi̱ tsoó: Jmí tsi ta̱ pan tsí xi kꞌuijñáni ngo xota̱, chjiénrií ngayeje én xí fotjonii̱ tsꞌoa Néná.

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.

Sꞌe̱ Kjisoo̱, bi̱ katsoó: –Ti̱ bi̱ ti̱ tsꞌén kjitꞌa xo̱jo̱n eén Néná, nínga bi̱ tsoó: Ka̱májín chjátꞌeyékín ji Ndi̱a̱a̱, kui xi Nèe̱.

Kósꞌe̱ A̱si̱énni̱xtjii̱n Néná kijíjo̱ Kjisoo̱ nangi kixií, tsi̱ꞌe̱ nga xindajín ndiabloo̱ skótꞌayákón. Kó ngije yichán ni̱xtjin ko̱jo yichán ni̱xtji̱e̱n nga kisꞌijña kjindiá, kamábojoó.

Kó Kjisoo̱, bi̱ katsoó: –Ndibátjingijnúꞌun, kó án xí sa̱ꞌinjnúꞌun nga ta̱sá xota̱ xi kꞌuitíkójnú xikoó tsi tji̱o̱ xi ko̱ndo̱bo̱a̱jnú. Sꞌe̱ kui jaá ti̱ kjiꞌa índomasien nda̱ꞌya̱a̱, kó kijítji̱ngii̱ Kjisoo̱.

Ngaskande koó kjiꞌa ítsꞌi̱yanii̱ Kjisoo̱ nga íni̱jmì eén Néná, kó bi̱ katsó: –Ti̱ꞌankꞌoyàjnú yojojnú, ngatꞌa̱ Néná jè tsá ko̱tíxoma.