Versículos bíblicos populares de Matioo̱ 23

Compartir

Kó kui nda̱ xi ꞌniú nkꞌa ngase xaá, kuí xí sa̱ꞌínseén ngayeje xota̱ xi ngasee̱.

Ngatꞌa̱ xota̱ xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ boeꞌéjnú jún ngo tjín xi tie nga úchaán xka̱ mentaa̱, xka̱ anii̱ ko̱jo xka̱ kominoo̱, ta̱nga niꞌánkjatjosónjínjnú kjo̱a̱botíxoma xi ꞌniú nkꞌaá kjo̱a̱kitii̱: Nga kixi̱ ka̱majnú, nga ni̱ma̱ ka̱majnú ngayeje xotaa̱, ko̱jo nga sꞌi̱jinjnú Néná. Chjiéngá si̱ꞌan kui nii̱, ta̱nga ti̱ chjiéngá si̱ꞌan ni xi ingoo̱ nga.

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ niꞌántsjiejnú nga̱xto̱n ti̱bo̱a̱jnú ko̱jo boso̱jnú, ta̱nga ngi̱yaa̱ tjikítsie má ni chejé ko̱jo kjo̱a̱ꞌontakón.

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú jáchji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Ti̱ bo̱a̱ ti̱ kónjnú jún, ja̱koxi̱ nga kje̱njnú bokó nga xota̱ kixi̱jnú ngi̱jii̱n xotaa̱, ta̱nga ngi̱jii̱n ini̱ma̱jnú tjikítsie maá kjo̱a̱jókje̱n ko̱jo ni xi ndajín.