Versículos bíblicos populares de Eklesiastee̱ 9

Compartir

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Ti̱ askotsijen ngiñá an, kó kamábe an nga kui nga̱sondiee̱ jmí tsi xota̱ xi ꞌniú monga ngasee̱ xi tsꞌén nga mongandse̱je̱n, ti̱nde jmí tsi xota̱ xi ꞌniú ngasee̱ xi tsꞌén ngo kjo̱a̱xcha̱án, ti̱ kamábe an nga xota̱ xi kjínkoón nde nichinie jmíjiín, ko̱jo nga jmí tsi xota̱ xi kjínkoón xi cho̱n ma, ko̱jo nga jmí tsi xota̱ xi tjiín kjo̱a̱kjíntakoón xi nda niꞌánjo̱. Ngayejee̱ nga tjiín ni̱xtjin xi nda ko̱jo ni̱xtjin xi ndajín

Tsjatsꞌèn ti̱ndyinje̱ ji chjo̱on xí tjoó, ngayeje ni̱xtjin nga ku̱i̱ndyin ji kui nga̱sondiee̱, ngayeje kui ni̱xtjin xi ta̱kjo̱a̱ndanií, ngatꞌa̱ kuí boá kui nii̱ xi tsoboaá, ko̱jo xá xí kꞌuiníi̱ yojòo̱ kui nga̱sondiee̱.

¡Ye tsobo̱a̱, ti̱ꞌinꞌnítakín ji! Chi̱ni kó tsjatsꞌèn ti̱ndyin ji, tꞌi̱ ji binòo̱, kó tsjangatꞌieé ini̱ma̱a̱, ngatꞌa̱ xá xí je kiniꞌín ji, achichí tsjá maá Néná.

Nda ngase kjo̱a̱kjínkoón ta̱bo̱a̱jiín ni xi niꞌánkjién kjo̱a̱xcha̱án, ta̱nga ta̱ngatꞌanii̱ tsi ngo chií xi sa̱ꞌínjé, achichí ni xi nda si̱ꞌankjatsón.

Chjí ngasenii̱ nga ko̱nda̱ꞌyaá én ndaa̱ nda̱ xi kjínkoón, ta̱bo̱a̱jiín nga kjandayà nda̱ ree̱ xota̱ xi kitikjo̱a̱a̱.

Ngatꞌa̱ xota̱ xi to̱kó síndo ngasee̱, jè be nga kjo̱chó ni̱xtjin nga ko̱yà, ta̱nga xota̱ xi je jesoón, jè ngiti̱ jmí ni bejín kuí, ti̱nde ngiti̱ jmí to̱n tsꞌénjín ngase, ngatꞌa̱ kjo̱a̱foaꞌátsjiee̱n jè kisꞌijñachíyá.