Versículos bíblicos populares de Eklesiastee̱ 5

Compartir

Nga ta̱xkiya ndokjo̱e̱jín ji, ti̱nde ini̱màa̱ nga ta̱xkiya sꞌijinjín ngo én xí ko̱ndókjo̱e̱ ji ngindyi̱ko̱n Néná, ngatꞌa̱ Néná nkꞌajmii̱ boá nínga tikón, kó jí, kꞌi̱e̱ tindyin ji kꞌi̱e̱ tꞌanangii̱, kuíni nga chiboa tsí én xí ti̱ꞌinkjìn jí.

Ti̱ bo̱a̱ ti̱ tsꞌén, ngayeje xota̱ xi Néná katsjaá kjo̱a̱cho̱n, ko̱jo nga tsie ni tjiín, ti̱ katsjaá nga ki̱a̱ skji̱ni̱e̱ ko̱jo nga ki̱a̱ kꞌuiní, nga skjíbé ni xi tsoboaá, kó tsjangatamaa̱ kjo̱a̱a̱ xaá, ngatꞌa̱ kui nii̱, ni xi ta̱ katsjáná Néná boá.

Xota̱ xi tjoó to̱o̱n, tsꞌéntsiejiín to̱o̱n, kó xi tjoó kjo̱a̱cho̱o̱n, jmíni̱xtjin nga tsie kjo̱a̱cho̱n sakoó. Kó kui nii̱ ti̱ ta̱kjo̱a̱ndaní bo̱a̱ nga

Kjiꞌanga kꞌuín jí na̱ngo̱xi̱i̱ Néná, chíi̱n nga ta̱xkiya si̱ꞌínjín ji ngo ni, ta̱sá tjón tꞌendàꞌyé ji, ngindiee̱ nga ki̱a̱ kꞌuínje̱ ji xota̱ xi kitikjo̱a̱ xi tsꞌenkꞌásꞌién kjo̱a̱tjoó, kui xi nde bejín nga ndajín ndyi̱tsꞌe̱én.

Tsi ngo ni ko̱ndókjo̱e̱ ji xi si̱ꞌinkjatjosée̱n Néná, tsá ti̱ꞌinkjatjosén ji, ngatꞌa̱ Néná chꞌórií xota̱ xi kitikjo̱a̱a̱. Ti̱ꞌinkjatjosén ji ni xi kiꞌmíyetjén ji nga si̱ꞌin.

Ndakjiꞌi ngase nga kꞌuíyetjénjín ji ngo ni xi si̱ꞌin ji, ta̱bo̱a̱jiín tsi kꞌuíyetjén ji, sꞌe̱ jaskan si̱ꞌínkjatjosénjín ji.

kó ngaskande ngiti̱ foféjín ngatꞌa̱ achichí to̱n je tjiín. Ta̱nga xota̱ xi tsꞌénxaá, ka̱márií tsi tsie ko̱jo tsi chiboa nichinie skji̱ni̱e̱, ta̱nga ata̱ tsjatsꞌèn fofé.

kó nga fetꞌani xikótsꞌèn jmí ni yaꞌajín ngatꞌa̱ kjiꞌixtí nga katsen, bo̱a̱ tsꞌén ko̱e̱je̱ nginí ¡kó nde ngo ni xi achichí kjo̱a̱ni̱ma̱ kisꞌingii̱ nga katsꞌénxá ko̱e̱je̱jojín!