Versículos bíblicos populares de Marcu 2

Compartir

Ghjesù chì l'avia intesi li disse: «ùn sò i sani chì anu bisognu di u medicu: sò i malati! Ùn sò micca venutu per chjamà i ghjusti ma i peccatori.»

È Ghjesù, videndu a fede di quella ghjente disse à u paraliticu: «O figliò, i to peccati ti sò perdunati.»

Poi disse: «U sabbatu hè statu fattu per l'omu è micca l'omu pè u sabbatu.

Ma cum'ellu ùn ci era mezu d'avvicinassi per via di a folla, scuprinu u tettu sopra à duv'ellu era Ghjesù, è, per l'apertura, fecinu falà a barella duv'ellu era stracquatu u paraliticu.

Allora, perchè vo'sappiate chì u Figliolu di l'Omu hà, nantu a terra, u putere di perdunà i peccati, ti ne dò l'ordine, disse à u paraliticu: arrizzati, piglia a to barella è vaitine in casa toia.»

Chì sarà u più faciule: à dì à u paraliticu: “I to peccati ti sò perdunati”, o à dilli: “arrizzati, piglia a to barella è viaghja”.

Quellu s'arrizzò subitu, pigliò a so barella è si ne andò vistu da tutti, di modu ch'elli fermonu meravigliati è, glurifichendu à Diu dicianu: «Ùn n'avemu mai vistu un affare simule.»