Versículos bíblicos populares de Ghjuanni 16

Compartir

Vi aghju parlatu cusì par chì vo' abbiiti a paci in mè; in u mondu aveti l'affanni; ma piddeti vi di curaghju, chì eiu aghju vintu u mondu.»

ma vinutu quiddu, u Spiritu di a virità, vi purtarà in a strada di a virità sana -chì ùn parlarà par contu soiu, ma diciarà solu ciò ch'eddu avarà intesu, è vi annunciarà ciò chì hà da vena.

Insini ad avà, ùn eti dumandatu nudda in nomu meiu; dumandeti è ricivareti, ch'edda sia cumpiita a vostra alicria.»

Ma eiu vi dicu a virità, hè una bona par voi ch'e' mi ni vochi, chì s'e' ùn mi ni vocu, u Difinditori ùn vinarà ind'è voi; ma s'e' partu, u vi mandaraghju. È vinutu quiddu, mittarà à palesu ciò ch'eddu hè u mondu, par ciò chì tocca à u piccatu, à a ghjustizia è à u ghjudiziu

È voi avà seti tristi; ma vi vidaraghju dinò, si ralicrarà u vostru cori, è a vostra alicria nimu a vi cacciarà più. È in quiddu ghjornu, ùn mi fareti più varuna dumanda. A vi dicu da veru, ciò chì voi dumandareti à u Babbu in nomu meiu a vi darà.

A vi dicu da veru, eti da pienghja è eti da buciarà, è u mondu si hà da ralicrà; voi sareti tristi, ma a vostra tristezza si farà alicria.