Versículos bíblicos populares de FILIPOS 2

Compartir

Dili maghimo sang bisan ano gikan sa pagkamaiyaiyahon ukon pagpadayawdayaw, kondi sa pagpaubus magbilang sa iban nga maayo pa sa inyo kaugalingon. Dili magtamud ang tagsa sa inyo sa iya kaugalingon lamang nga mga butang, kondi man sa mga butang sang iban.

Hupti ninyo ini nga hunahuna, nga yara man kay Cristo Jesus

nga, bisan sa dagway sia sang Dios, wala niya pagbilanga ang pagpakigtupung sa Dios nga butang nga pag-agawon, kondi gin-ula niya ang iya kaugalingon, nga nangindagway sang ulipon, nga natawo sa kaanggid sang mga tawo. Kag sang nakita sa bayhon sang tawo nagpaubus sia sang iya kaugalingon kag nanginmasinolondon tubtub sa kamatayon, bisan kamatayon sa cruz.

kay ang Dios amo ang nagahikot sa inyo, sa pagbuut kag sa pagbuhat tungud sa iya maayong kabubut-on.

Busa ginbayaw sia sang Dios sing mataas gid kag ginhatagan sia sing ngalan nga labaw sa tanan nga ngalan, agud nga sa ngalan ni Jesus ang tagsa ka tuhud magpilo, sa langit kag sa duta kag sa idalum sang duta, kag ang tagsa ka dila magtu-ad nga si Jesu-Cristo Ginoo, sa himaya sang Dios nga Amay.

Himoa ninyo ang tanan nga butang sa walay pagkumud ukon pagyamo, agud nga mangindisalawayon kamo kag walay daya, nga mga anak sang Dios nga walay kasawayan sa tunga sang kaliwatan nga tiko kag balingag, nga sa tunga nila nagasiga kamo subong nga mga sulu sa kalibutan

Busa, mga hinigugma ko, subong nga kamo nagmasinolondon sa gihapon, indi lamang sa akon atubangan, kondi karon labi pa nga wala ako sa inyo, panikasugi ang inyo kaluwasan nga may kahadluk kag pagkurug