Versículos bíblicos populares de 1 Mga Taga-Corinto 1

Compartir

Gituyo pagpili sa Dios ang giisip sa mga tawo nga walay kapuslanan aron pakaulawan ang mga maalamon ug gipili niya kadtong giisip nga huyang aron pakaulawan ang mga tawong gamhanan.

Kay ang mensahe mahitungod sa kamatayon ni Cristo didto sa krus binuang alang niadtong nangalaglag apan kanatong giluwas, gahom kini sa Dios.

Kay ang giisip nila nga binuang sa Dios mas maalamon pa kay sa kinaadman sa tawo ug ang ilang giisip nga kahuyang sa Dios mas lig-on pa kay sa kusog sa tawo.

Kasaligan ang Dios nga nagtawag kaninyo aron mahiusa sa iyang Anak nga si Jesu-Cristo nga atong Ginoo.

Mga igsoon, sa ngalan sa atong Ginoong Jesu-Cristo, naghangyo ako kaninyo nga magkauyon unta kamo sa tanan ninyong pagsulti aron walay pagkabahin diha kaninyo. Paghiusa gayod kamo diha sa usa ka hunahuna ug tumong.

Busa unsa na man unyay kapuslanan sa mga maalam ug sa mga makinaadmanon ug sa mga batid sa lantugi niining kalibotana? Gipakita sa Dios nga walay kapuslanan ang kaalam niining kalibotana.