Versículos bíblicos populares de EXODO 9

Compartir

Apan gitugotan ko ikaw nga mabuhi alang niining maong tuyo, aron sa pagpakita kanimo sa akong gahom ug aron ang akong ngalan masangyaw sa tibuok kalibotan.

Unya ang GINOO miingon kang Moises, “Adtoa ang Paraon ug ingna siya, ‘Mao kini ang giingon sa GINOO, ang Dios sa mga Hebreo: Tugoti sa paglakaw ang akong katawhan aron sila makaalagad kanako.

Kay kon karon gibakyaw pa nako ang akong kamot ug gihampak ikaw ug ang imong katawhan pinaagi sa kamatay, patay na unta kamo.

ang kamot sa GINOO magpahamtang ug makalilisang nga kamatay nganha sa imong kahayopan nga anaa sa kaumahan, sa mga kabayo, sa mga asno, sa mga kamilyo, sa mga baka, ug sa mga karnero. Apan ang GINOO maghimo ug kalainan taliwala sa kahayopan sa Israel ug sa kahayopan sa Ehipto aron walay mamatay sa tanan nga ila sa katawhan sa Israel.’ ”

Ugma sa ingon niining taknaa magpaulan ako ug hilabihan ka daghan nga yelo nga wala pa gayod mahitabo sa Ehipto sukad sa adlaw nga kini natukod hangtod karon. Busa karon, pagsugo sa pagpahipos sa imong kahayopan, ug sa tanan nga anaa sa imong kaumahan ngadto sa pasilonganan nga layo sa kakuyaw kay ang ulan nga yelo mahulog sa matag tawo ug sa mananap nga anaa sa uma ug wala madala sa sulod, ug sila mangamatay.’ ”

Ug kini mahimong abog ibabaw sa tibuok yuta sa Ehipto ug mahimong hubag nga mobuto ug mahimong kabahong diha sa mga tawo ug sa mga mananap sa tibuok yuta sa Ehipto.” Busa mikuha sila ug abo gikan sa hudno ug mitindog sila sa atubangan sa Paraon. Gisabwag kini ni Moises paingon sa langit ug kini nahimong mga hubag nga mibuto ug nahimong kabahong diha sa mga tawo ug sa mga mananap.