Versículos bíblicos populares de Iovani 17

Compartir

Hai ꞌite o te nuꞌu nei i te parautiꞌa o ruŋa i a koe e haꞌataꞌa māꞌau, mo tāvini mau nō atu ki a koe; taꞌa vānaŋa ena, paꞌi, he parautiꞌa.

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

»Taꞌe nō a au e ani atu ena mo rāua, mo te nuꞌu takoꞌa ka haka moe ena i te rāua manaꞌu ꞌi ruŋa i a au, he haka roŋo ꞌe he haꞌatura ki te roŋo riva-riva o ruŋa i a au ka hāpī era e rāua. Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

»Taꞌe a au e ani atu ꞌā mo toꞌo ōꞌou i a rāua mai te ao nei. E kī atu ena mo hāpaꞌo nō ōꞌou i a rāua ꞌo ravaꞌa e Rukifero.

»Te nuꞌu vaꞌai mai era e koe ko haka nui-nui ꞌana e au pa he haka nui-nui iŋa mai era ōꞌou i a au, mo riro o rāua e tahi mau nō pē tātou. A au i a rāua, ꞌe a koe i a au, pē ira tātou taꞌatoꞌa e tahi mau nō, ki ꞌite ai te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai, ꞌe e haŋa rō ꞌana koe ki te nuꞌu vaꞌai mai e koe, pa he haŋa iŋa mai ena ꞌā ōꞌou ki a au.