Versículos bíblicos populares de Aŋa o te ꞌĀpōtoro 2

Compartir

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

ꞌE a rāua e maꞌu e oho nō ꞌana i te meꞌe taꞌatoꞌa hāpī e te ꞌāpōtoro, ꞌe te aŋa takoꞌa he haka taka-taka mo pure ꞌe mo mo-more i te haraoa mo manaꞌu i te mate iŋa o Ietū.

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

E no-noho nō ꞌā he ŋaroꞌa i te heruru mai te raŋi pa he hu-hū tokerau pūai, ꞌe he heruru tahi tū hare era ꞌi ira a rāua. ꞌĪ ka uꞌi atu ena ko te meꞌe tuꞌu pa he ura ahi ka topa a ruŋa i te taꞌatoꞌa e tahi ka tahi o rāua. He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era. E haꞌahana-hana rō ꞌana ki te ꞌAtua, ꞌe e haŋa rahi rō ꞌana e te nuꞌu. Te mahana te mahana e ꞌata haka rahi era e te ꞌAtua i tū nūnaꞌa taŋata era hai nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa.

“ꞌI te ŋā mahana hopeꞌa era, i kī ai e te ꞌAtua, e vaꞌai rō e au i tōꞌoku Vārua Maitai ki te taŋata taꞌatoꞌa. Te ŋā poki o kōrua e haka ꞌite rō i te roŋo haka ꞌite e au ki a rāua, te ŋā poki ꞌāpī e takeꞌa rō i te meꞌe haka takeꞌa e au, ꞌe te nuꞌu korohuꞌa e moe vārua rō.

Te nuꞌu taꞌatoꞌa haka moe i te manaꞌu ꞌi ruŋa i a Ietū, e here rō ꞌā ꞌe e tuhaꞌa rō ꞌana ꞌi roto i a rāua i te rāua meꞌe ai. He hoꞌo i te henua ꞌe i te meꞌe taꞌatoꞌa o rāua, ꞌe ꞌai ka tuhaꞌa i te moni ki te nuꞌu e hape rō ꞌana te rāua meꞌe.

ꞌE te nuꞌu taꞌatoꞌa ani hai ꞌīŋoa o te ⌊Kiritō⌋, he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua”.

Te raꞌā e pōhāhā rō, ꞌe te māhina e riro rō pa he toto ꞌi raꞌe ki te tuꞌu iŋa mai o te mahana nui-nui o te ꞌAtua.