Versículos bíblicos populares de aMatiyu 7

Compartir

“Yiir irip yin'e, a tà no̱o̱k yin; yiir itse̱r yin'e, ta se̱ yin; yiir itsor yin kanukutu'me a tà ka karak yin'e.

Kamok koangan afe a tá rip a tù ku no̱o̱k, koangan afe a tá tse̱r a ta se̱, koangan afe a tá tsor a tu ku karak'e.

“Kamok anong, koangan afe a ta fok rife̱ mi na, a ti nye itomong, a ta se kyo̱ndi aner rino̱k aya a ta be ritseng, aya a tá no̱k kasa wu natoon agudong.

Kamok anong, koakye afe yin ta shim yin ánerawe tà ka nye yin'e, yin gip, ku nye yin ba'me. Kamok iyong ne inye kunik Itsi aMusa ne kubo̱so̱p áner kuzarap.

Amma kanukutu kafe kutser, kase hiir. Iren wu ro̱ kutseng. Áfe á ta kuus gop baꞌ.

“No̱ yin nanukutu kaya kata se whe̱, kamok kanukutu kaya kata be ni iwei se saa. Iren'e ro̱ kutseng baꞌ, áfe á ta no̱o̱s se dide̱ng.

Ke yin, i ta nye yin amaan'e, i ren i nyesek yin inoon yin ike̱re̱ itek, shita Ada afe ta se kaye̱e̱r kaza ta won dar a no̱o̱k aya a tu ku rip ike̱re̱ itek a?

“Sang tu to̱ yin akak amok baꞌ, fan a ba ka to̱ yin'e. Kamok amok kuri amok afe yin tá to̱ yin ánerawe'me, kuri ayong ne a tà ma ka to̱ yin'e gip. Kuri kures afe yin ti maas yin ánerawe'me, kuri kuyong ne a tà ma ka maas ko yin'e gip.

Koangan afe a fok rife̱ mi na, a ti nye itomong baꞌ, a se kyo̱ndi aner rino̱k aya a tá no̱k kasa wu natoon rize̱k.

“Akye̱ sak wan ye̱re̱k ikuko̱ i ta se rinyisi afudang wan ne i won agbirik kaye̱e̱r rinyisi rifuan e̱? Ane̱ ne wan ta fe̱ be afudang wan ye, ‘Won mi ta ka tun ikuko̱ rinyisi, nong wan gip wan ta be agbirik rinyisi wan e̱?’

“Nye yin tatan be áner kuzarap áfe abo̱o̱s. Á be̱s nufe yin be kuse itsamang, amma katsak'e, á se kyo̱ndi ámaan ágabu katse. Yin tù ku ren yin ba be kuri itomong ba. Yin kun di yin ánerawe tan bo̱ kutes anap ritin ikiritsan a? Ka kutes atafo ritin aduruduk e̱?

Anong ne ise, koakye ritin kakon katek tes kutes kutek, ne amaan kakon tes kutes kumaan'e.

Kakon katek tà tes ámaan agba baꞌ, anong ne ámaan kakon tà tes agba atek baꞌ.

Koakye kakon kaya sang ka ta tes agba atek baꞌ, a tà te̱me̱ng nong a ta barak nuro̱ng.