Versículos bíblicos populares de Filipi 4

Compartir

Wo kana hanmɛ fenfen na. Kɔnɔ koe bɛ butɔ, wo ni Ala mataran ka a madiya. Wo butɔ, fenfen min sɔgɔ be wo la, wo be wolo dantɛgɛla a ye ka a tantu.

Wo butɔ, Ala si a jususa dii wo ma. Mɔgɛ si a hakkile sigi fenfen ma, wo jususa fisa a ko pon! A si wo jusu butɔ koe nun wo la mira bɛ makanta, anu ni to Ala la mɔgɔ masubɛreŋɛ Isa le ma.

N nɛɛnɛdɔndɛnu, n na kuma tɔɛ le ka. Wo ni wo hakkile to kɛ koenu ma: koe min yo mu tɔɲa la, min yo mu sɔɔbɛ la, min yo be telenden, koe min yo saniyanta, min yo diyata Ala ye, min yo kaɲin, biliya nun mamatɔgɛ be sɔtɔla min bɛ ma koe tɔ. Wo ni wo hakkile sigi wo koenu le bɛ ma.

N si nɔ koe bɛ la ⸂Ala la mɔgɔ masubɛreŋɛ⸃ sabu la, min be sɛnbɛ diila n ma.

Wo ni sɛɛwa Marige la ko la wagati bɛ. N mɛn ni a fɔ wo ye, wo sɛɛwa!

N Marige Ala la fonisireya nun a la mansabaya to kolo, wo hajue be min bɛ ma, a si naa wo kɔ a bɛ la, a la mɔgɔ masubɛreŋɛ Isa sabu la.

Wo ni koenu ma, n ka wo degen minnu la, anun wo ka minnu sɔtɔ n na. Wo mɛn ka minnu mɔɛ n na, wo ka a yen n na misale tɔ, wo ni sɔ wo kɔma. Wo butɔ, jususa tige Ala si to wo fɛ.

Wo la jusu sɛɛya ni makɛnɛn mɔgɛ bɛ ye. Marige Isa bele mɛla tanala dunuya bitugun.

Ka fondo bele n bolo ba, ka fondo siyama be n bolo ba, a bɛ ka n masɔtɔ. Wolo mu, ka kɔnkɛ be n na ba, ka n be faren ba, n bata n wasadon a bɛ la. Ka n mu banná la ba, ka n be tɔɔrɔren ba, n be sɛɛwaren a bɛ la.

N bele kɛ fɔren de bayi n hajue to be fondo do ma nun. Kɔnɔ koe min be n bolo, nde bata n madegen n ni n wasadon wo ma.