Versículos bíblicos populares de Luki 8

Compartir

Suge lansanta duge kan ɲinma min tɔ, wo mu mɔgɛnu le la, minnu ka Ala la kuma mɔɛ anu ka a bita sɔɔbɛ la, sondon ɲinma anun a telendeŋɛ la. Wagati bɛ anu be timiladiyaren Ala la ko ma, wolo mu anu be mala iko sɛnɛtɔfeŋɛ to be wolola a ɲinma la.»

Suge lansanta bapɛ ŋanintigenu minnu tɛma, wo mu mɔgɛnu le la, minnu ka Ala la kuma mɔɛ, kɔnɔ dunuya tatɛgɛ hanmɛ bata to anu la, anun nafule, anun anu yɛtɛ diyanan koenu. Wolo be a maren, anu be mala iko sɛnɛtɔfeŋɛ tini be balala, a ni a den kɔkɔbale to ɲɔ.

Suge lansanta kurenu minnu kunma, wo mu mɔgɛnu le la, minnu ka Ala la kuma mɔɛ anu ni a bita sɛɛwa tɔ, kɔnɔ liili bele anu la. Dɛnkɛnɛya be anu ye han tɛmu do. Kɔnɔ bɛlɛya wagate tini na, anu ni bɔɔ a tɔ.

Wo kɔma, a ka a fɔ talibenu ye, a ko: «Wo la dɛnkɛnɛya be kama le?» Anu kilanta, anu kaabɛta, anu ka a fɔ ɲɔgɔn ye, anu ko: «Kɔnɔ mɔgɛ mɔle miniman de mu kɛ la? Hali a ka fɔɲɛ nun mɔrɔŋɛnu yamɔri, anu si a bita.»

Suge lansanta kila min tɔ, wo mu mɔgɛnu le la, minnu bata Ala la kuma mɔɛ; wo kɔma, Sentanɛ si na, a si wo kuma bɔɔ anu juse tɔ, alako anu kana dɛnkɛnɛya anu ni kisi.

Awa, fenfen min be dogonden, a bɛ si yen ma. Fenfen min be suturaren, a bɛ si lɔn ma a ni bɔɔ kɛnɛ tɔ.

Muse ka a yen, a te nɔ dogonna. A nata sɛrɛnna, a boeta a kɛn kɔtɔ. A magata a la doroke la fen min na, anun a kendeyata ki min na kisanna, a ka wo bɛ ɲamakaran jama bɛ ɲala. Isa ka a fɔ a ye, a ko: «N nɛɛnɛ, i la dɛnkɛnɛya bata i lakisi. Taga jususa butɔ.»

Anu ka anu madon Isa la anu ka a lakunɛn, anu ko: «Marige, marige, mɔ be faga koe tɔ!» A kunɛnta, a ka fɔɲɛ nun mɔrɔŋɛ yamɔri, fɔɲɛ nun mɔrɔŋɛ lasɔta, ba lakarata.