Versículos bíblicos populares de Ko fɔlɔfɔlɛ 27

Compartir

Ala mu kunda diila i ma min be bɔɔla kantɔ. Ala mu duge nafa diila i ma. Ala mu tɔnɔ banba tola i la sɛnɛ tɔ. Ala mu beere siyama diila i ma, min bele mɛren. Ala mu bɔnsɛnu bɛ tola i la nɔɛ kɔtɔ. Ala mu a mala see bɛ ni a majigi i ye, i ni ma i baaba dɔndɛnu kuŋɛ la, anu ni anu majigi i ye. Mɔgɔ yo ka i danka, dankare ni saagi a ma, mɔgɔ yo dubata i ye wo tigi tugun ni duba sɔtɔ.»

Esayu ko: «A tɔgɛ le yati be a kunma: Yaguba, mɔgɔ janfala. A bata janfa ma n na kunɲama fila. A ka n na kayibaya sɔdula bita n bolo a ka wo ma a tɛŋɛ la. A mɛn bata n na duba tugun kanka kɔtɛ.» Esayu ka a fɔ a baaba ye, a ko: «I ma duba fondo to nde ye i ni duba n ɲɛ?»

Isiyaka ka Esayu jaabi, a ko: «A fɛlɛ, duge tɔnɛ be kan do kan, i si yanfaya ɲɔ la anun kunda min be bɔɔla kan tɔ. I si i balue sɔtɔ i la faŋɛ la kɛlɛ tɔ. I si to i dɔgɔ kayima la nɔɛ kɔtɔ. Kɔnɔ ka a bɛlɛyata, i si i kuŋɛ kata a la nɔɛ kɔtɔ.»

Esayu ka a fɔ a baaba ye, a ko: «Baaba kɛ duba dɔndɛ dɔrɔn de be i bolo ba? I ni duba nde tugun ye.» Esayu dita a kulɛ mayɛlɛreŋɛ la.