Versículos bíblicos populares de 1 Piyɛri 4

Compartir

Wo bɛ butɔ, wo ni ɲɔgɔn kanu wo juse bɛ la, bayi kanunteya si ma diɲa sabue la tiɲare siyama ma.

Ala ka hinnɛnteya dii wo dɔndɔ dɔndɔ bɛ ma, awa wole tugun ni ɲɔgɔn dɛman. Wo butɔ, wo ni ma Ala la walilá ɲinma la, minnu be a la hinnɛ tafatanna, min sige siyata.

Ka mɔgɛ be diren kuma do fɔla, a ni Ala la kuma le fɔ. Ka mɔgɛ be diren dɛmare mala, a ni wo ma Ala sɛnbɛ le la, alako Ala ni mamatɔgɛ sɔtɔ koe bɛ tɔ a la mɔgɔ masubɛreŋɛ Isa sabu la. ⸂Mamatɔgɛ nun⸃ sɛnbɛ be a ye abada. A be ɲɔgɔnna le yati!

Kɔnɔ ka wo ka ɲagankata sɔtɔ bayi Isayanka dɛnkɛnɛyabaganu le mu wo la, wo kana wo malu. Wo ni Ala tantu wo la wo «Isayanka» tɔgɛ sabu la.

Dunuya la baŋɛ bata sutuya. Wo ni wo hakkile lakara, wo ni wo hakkile to wo yɛtɛ ma, alako wo ni nɔ Ala mataranna.

N kanunteŋɛnu, wo be ɲagankata bɛlɛŋɛ min yenna, wo kana wo tɛrɛnna. Ko nama ma a la. Tɔɔrɔ koe Ala la mɔgɔ masubɛreŋɛ fɛ, wo ni ma sɛɛwa le la wo ye. Wo butɔ, wo mɛn si ɲagalin a banba la a la nɔɔra yita luŋɛ.

Wo ni ɲɔgɔn nasɛnɛ jusu ɲinmaya la, wo kana a ma kuma mɛsɛŋɛ la.

Wo butɔ, ka Ala sagoe le mu mɔgɛnu ni ɲagankata, awa wo tiginu bɛnta anu ni anu yɛtɛ la ko bɛ to anu da mansa ma, min na lannanteya te tiɲa, anu ni to ko ɲinma mala.

Ala la mɔgɔ masubɛreŋɛ bali bangue ka ɲagankata sɔtɔ, awa wole tugun ni wo tɛ takiti a la, wo hakkile dɔndɛ ni to wo ye, a fɔ koe la ka dɛnkɛnɛyabaga min bale be ɲagankatala, wo tigi bata junubu koe to ɲɔ. Wo butɔ, a bata dunuya diyanankoe to, a ni sɔ Ala sagona koe kɔma a la simaya butɔ min be toren a ye.

Ka anu ka wo nani Ala la mɔgɔ masubɛreŋɛ tɔgɛ la ko la, hɛra le mu wo la wo ye, bayi Ala Hakkili nɔɔrareŋɛ be wo ma. ⸂Anu be a tɔgɔtiɲala, kɔnɔ wole kan be a tantula.⸃