Versículos bíblicos populares de Tourat 2: Hizrot 10

Compartir

Mabude Musare ḳoila, “Tumi Feraunor gese zao; ami to tar ar tar uzir-naziror dilre fashan ḳorilisi, zate tarar samne ami amar kudroti lila-ḳela deḳaitam fari. Ami Mishori oḳlor ufre zeta zeta ḳoṭin gozob disi, tarar maze kudroti zeta lila-ḳela zair ḳorsi, tumi ita tumar aolad ar nati-futir gese gof ḳortae faro, ar ami-u zen Mabud iṭa buztae faro.”

Bade Mabude Musare ḳoila, “Tumi asman muka tumar at baṛao; teu hara desho oto gono andair oibo, i andair at dia soa zaibo.” Musae asman muka at baṛaile tin din forzonto hara Mishor desh kub gono andair oilo. Tin din ḳeu ḳeuror muk-o deḳto farlo na, ḳeu zaga taki loṛto farlo na. Oile Boni Israilor hoḳol goro kunu rushnir obab asil na.

Musae Mishoror ufre tan laṭi melia dorla, ar Mabude hara din hara rait deshor maze fubali haoa saṛla, ou fubali haoae biane fongofal loia azilo. Hara Mishor deshor ufre fongofale jam oigela. Mishoror hoḳol zagat fongofale gisgis ḳorla, kub beshi fongofal aila, oto fongofal er age-o kunudin oisoin na ar bade-o kunudin oita nae.