Versículos bíblicos populares de Abanya Roma 5

Compartir

Nĩkwa Nyamuhanga akakangaya olwanzo luwe busana netu, kusangwa omugulu twabya tukine bakola-nabi, Kristo mwatuholera.

Kandi amaha sialituteba, kusangwa Omũlĩmũ Abũyĩrĩre ogo Nyamuhanga atuha, abĩrĩũtũlĩra olwanzo lwa Nyamuhanga omo mitima yetu.

Nĩkwa tukatsema omo malĩge wetu, kusangwa tũnasĩ obũlĩge bukaleta erĩyĩyĩnĩa. Nʼerĩyĩyĩnĩa likaleta erĩsĩmwa na Nyamuhanga, nʼerĩsĩmwa likaleta amaha.

Neryo kusangwa twabiriyirwa mo batunganene busana nʼerĩkĩrĩrya, tunawite Obuholo uku Nyamuhanga, nʼobuholo obo mobwahĩka busana nʼomukama wetu Yesu Kristo. Iye abĩrĩtũhĩra omwisi wʼolukogo olo lwa Nyamuhanga busana nʼerĩkĩrĩrya, aho twimene ndeke. Kandi tukatsema omo maha wʼerisangira olukengerwa lwa Nyamuhanga.

Kusangwa omugulu twabya butsira maka, Kristo mwaholera abakola-nabi, oko mugulu Nyamuhanga ayisoga.

Neryo twamabya twabiriyirwa mo batunganene busana nʼomusasi wuwe, neryo kwilaba aho, Kristo asyatũlamya okwʼihitana lya Nyamuhanga.

Kusangwa busana nʼerĩtendĩowa lyʼomundu muguma, abandu bangi mobayirwa mo bakola-nabi, neryo litya busana nʼerĩowa lyʼomundu muguma, abandu banene basyayirwa mo batunganene embere sya Nyamuhanga.

Neryo kandi kwilaba aho, tukatsema uku Nyamuhanga busana nʼomukama wetu Yesu Kristo, oyo wabĩrĩtũsanganĩa na Nyamuhanga.