Versículos bíblicos populares de Wlɔmö 10

Compartir

꞊Ya kë ꞊dhɛ 'bha‑ "kan i "dhi 'ka mɛ ꞊gban "yaan ꞊dhɛ Yesu bha mɛ ꞊gban Dëmɛ ‑mü, kö 'i 'dhang bho‑ "dhiʋ̈ 'kpakpadhö i zuë" "piʋ̈ ꞊dhɛ Atanna ꞊yaa‑ bho ga 'gü ꞊yaa‑ ‑bö, i ‑dho dha.

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'ö ꞊ya 'dhang bho Yesu ‑wɔn "dhiʋ̈ ö zuë" "piʋ̈, 'yö Atanna ‑ya kë "slʋ̈ʋ̈slʋ̈ ö wëëdhö. 'Mɛ 'ö ꞊yaa‑ "kan ö "dhi 'ka ꞊dhɛ Yesu bha mɛ ꞊gban Dëmɛ ‑mü, 'yö Atanna ‑ya ‑mɛ dha.

‑A ‑kë "dhʋ̈ ‑sü bha‑ 'gü, ‑zʋ ‑yö Atanna ‑dhɛ ‑sü bha‑ ‑gɛn ‑yö go ‑a ‑dhiang 'ö mɛ ‑ya ma bha ꞊në‑ 'gü, 'sa‑ dhiang 'ö "dhʋ̈ bha yö ‑mü Klisi ‑wʋ ꞊në‑ 'ka.

‑A ‑gɛn ‑mü ꞊dhɛ ‑a ‑wʋ ‑ya ‑pö ꞊dhɛ: «Mɛ "ʋʋ mɛ 'ö ꞊ya 'dhang bho‑ "dhiʋ̈, 'yiʋ̈‑ 'yii 'dho dɔ‑ ‑mɛ ‑bha.» ‑A ‑kë "dhʋ̈ ‑sü bha‑ 'gü, ‑naa 'bha ‑bha 'bha 'yaa Zuifö ‑nu waa‑ mɛ "wɛɛ ‑nu ‑a ‑nu ꞊zinng 'gü 'zü, ‑a 'klɔɔ‑ ‑mü ꞊dhɛ ‑a ‑nu ꞊gban Dëmɛ ‑yö do, yö 'ö "dhʋ̈ bha ꞊në 'wɔn ‑së ‑kë mɛ "pɛpɛ 'wo ꞊bhɛa‑ ‑dhɛ ‑a ‑nu ‑dhɛ. ‑A 'klɔɔ‑ ‑mü ꞊dhɛ Atanna ‑wʋ ‑ya ‑pö 'ö‑ pö: «Mɛ "pɛpɛ 'ö waa‑ "tabhoo ‑da kwa Dëmɛ ‑dhɛ, ‑wo ‑dho dha.»

'Yö ‑wo ‑dho ‑a ‑dhiang zë ‑kɔ kë ꞊dhɛ kö 'wii mɛ 'bha bɔ ꞊dhɛ ‑kɔ 'ö Atanna ‑wʋ 'sëëdhɛ ‑ya pö‑ 'ka ‑a 'dhö ꞊dhɛ: ‹'Wɔn ‑së 'ö go Atanna "piʋ̈, ‑a ‑naɔdɔmɛ ‑nu nu ‑sü "dhia‑ ‑dhö ꞊tɔn ‑kɛɛ!›

"Kɛɛ ‑wo ‑dho "tabhoo ‑da ‑dhɛ ‑kɔ kë ꞊dhɛ kö 'wii 'dhang ‑zë bho‑ "dhiʋ̈? 'Yö ‑wo ‑dho 'dhang bho‑ "dhiʋ̈ ‑kɔ kë ꞊dhɛ kö 'wii‑ ‑wɔn ma wo "tʋ 'ka? 'Yö ‑wo ‑dho ‑a ma ‑kɔ kë ꞊dhɛ 'sa kö mɛ ‑zë 'yii‑ ‑dhiang zë?

‑A 'dhɛ 'ö 'wii‑ 'gü ma bha yö ‑mü ꞊dhɛ Klisi ‑bha nu ‑sü bha, 'yö ‑kë Moizö ‑bha 'tɔng‑ ‑nu ‑gɔ ‑da 'plöö ‑sü 'ka. Yö ꞊në‑ ‑wɔn 'gü, 'yö mɛ "ʋʋ mɛ 'ö ꞊ya 'dhang bho yö ‑zë ‑wɔn "dhiʋ̈ "tʋ̈ng 'dhɛ 'kwa dɔ‑ 'ka ya‑ 'gü, kö ꞊ya kë "slʋ̈ʋ̈slʋ̈ Atanna wëëdhö.