Versículos bíblicos populares de ລູກາ 3

Compartir

ເມື່ອ​ປະຊາຊົນ​ທັງໝົດ​ໄດ້​ຮັບ​ບັບຕິສະມາ​ແລ້ວ ພຣະເຢຊູເຈົ້າ​ກໍ​ຮັບ​ບັບຕິສະມາ​ເໝືອນກັນ ຂະນະທີ່​ພຣະອົງ​ກຳລັງ​ພາວັນນາ​ອະທິຖານ​ຢູ່​ນັ້ນ ທ້ອງຟ້າ​ກໍ​ໄຂ​ອອກ​ແກ່​ພຣະອົງ ແລະ ພຣະວິນຍານ​ບໍຣິສຸດເຈົ້າ ໃນ​ຮູບຮ່າງ​ເໝືອນ​ນົກເຂົາ ກໍ​ລົງ​ມາ​ຢູ່​ເທິງ​ພຣະອົງ ແລ້ວ​ກໍ​ມີ​ສຽງ​ໜຶ່ງ​ດັງ​ມາ​ຈາກ​ສະຫວັນ​ວ່າ, “ທ່ານເອີຍ ທ່ານ​ເປັນ​ບຸດ​ທີ່​ຮັກ​ຂອງເຮົາ ເຮົາ​ພໍໃຈ​ນຳ​ທ່ານ​ຫລາຍ.”

ໂຢຮັນ​ຈຶ່ງ​ກ່າວ​ແກ່​ພວກເຂົາ​ທຸກຄົນ​ວ່າ, “ຝ່າຍ​ເຮົາ ເຮົາ​ໃຫ້​ພວກເຈົ້າ​ຮັບ​ບັບຕິສະມາ​ດ້ວຍ​ນໍ້າ, ແຕ່​ມີ​ຜູ້ໜຶ່ງ​ກຳລັງ​ຈະ​ມາ ແລະ​ທ່ານ​ຜູ້​ນີ້​ມີ​ຣິດເດດ​ອຳນາດ​ຍິ່ງໃຫຍ່​ກວ່າ​ເຮົາ​ຫລາຍ ຊຶ່ງ​ເຮົາ​ບໍ່​ສົມຄວນ​ແມ່ນແຕ່​ຈະ​ແກ້​ສາຍ​ຮັດ​ເກີບ​ໃຫ້​ເພິ່ນ, ເພິ່ນ​ຈະ​ໃຫ້​ພວກເຈົ້າ​ຮັບ​ບັບຕິສະມາ ດ້ວຍ​ພຣະວິນຍານ​ບໍຣິສຸດ​ແລະ​ດ້ວຍ​ໄຟ.

ເຫດສະນັ້ນ ຈົ່ງ​ປະພຶດ​ຕົນ​ໃຫ້​ສົມ​ກັບ​ວ່າ ພວກເຈົ້າ​ໄດ້​ຖິ້ມໃຈເກົ່າ​ເອົາໃຈໃໝ່ ຢ່າ​ຕັ້ງນຶກ​ໃນ​ໃຈ ແລະ​ເວົ້າ​ໃນ​ທ່າມກາງ​ພວກເຈົ້າ​ວ່າ, ‘ເຮົາ​ມີ​ອັບຣາຮາມ​ເປັນ​ບັນພະບຸລຸດ​ຂອງ​ພວກເຮົາ.’ ເຮົາ​ບອກ​ພວກເຈົ້າ​ວ່າ, ພຣະເຈົ້າ​ຊົງ​ຣິດ​ສາມາດ​ເອົາ​ກ້ອນຫີນ​ເຫຼົ່ານີ້ ແລະ​ບັນດານ​ໃຫ້​ເປັນ​ລູກຫລານ​ຂອງ​ອັບຣາຮາມ​ໄດ້

ບັດນີ້ ຂວານ​ກໍ​ພ້ອມ​ແລ້ວ​ທີ່​ຈະ​ຕັດ​ຕົ້ນໄມ້​ໃຫ້​ຄຸງ​ເຫງົ້າ ຕົ້ນໄມ້​ທຸກ​ກົກ ທີ່​ບໍ່​ເກີດຜົນ​ດີ ກໍ​ຈະ​ຖືກ​ຕັດ ແລະ​ຖືກ​ໂຍນ​ຖິ້ມ​ໃສ່​ໄຟ​ເສຍ.”

ດັ່ງ​ທີ່​ມີ​ຄຳ​ຂຽນ​ໄວ້​ໃນ​ໜັງສື​ຂອງ​ຜູ້ທຳນວາຍ​ເອຊາຢາ​ວ່າ, “ແມ່ນ​ສຽງ​ຂອງ​ຄົນ​ໜຶ່ງ​ທີ່​ຮ້ອງ​ປະກາດ ໃນ​ຖິ່ນ​ແຫ້ງແລ້ງ​ກັນດານ​ວ່າ ‘ຈົ່ງ​ຈັດຕຽມ​ຫົນທາງ​ສຳລັບ​ ອົງພຣະ​ຜູ້​ເປັນເຈົ້າ, ຈົ່ງ​ເຮັດ​ຫົນທາງ​ຂອງ​ພຣະອົງ​ໃຫ້​ຊື່​ໄປ ຈົ່ງ​ຖົມ​ຮ່ອມພູ​ທຸກ​ບ່ອນ​ໃຫ້​ເຕັມ ພູເຂົາ ແລະ​ເນີນພູ​ທຸກ​ໜ່ວຍ​ ຈົ່ງ​ເຮັດ​ໃຫ້​ຕໍ່າລົງ. ສ່ວນ​ຫົນທາງ​ທີ່​ຄົດລ້ຽວ​ນັ້ນ ຈົ່ງ​ເຮັດ​ໃຫ້​ຊື່ ທາງ​ທີ່​ມີ​ຕໍ​ແຂງ​ຈົ່ງ​ເຮັດ​ໃຫ້​ກ້ຽງ​ດີ. ມະນຸດ​ທັງປວງ​ຈະ​ໄດ້​ເຫັນ​ການ ທີ່​ພຣະເຈົ້າ​ຊົງ​ໂຜດ​ໃຫ້​ພົ້ນ.”’