Versículos bíblicos populares de Tegnum 2

Compartir

Petus teb puab has tas, “Mej txhua tug yuavtsum tso mej tej kev txhum tseg hab ua kevcai rausdlej huv Yexus Khetos lub npe, sub Vaajtswv txhaj yuav zaam mej lub txim; hab mej txhaj yuav tau txais Vaajtswv qhov khoomplig, kws yog Vaaj Ntsujplig tug Dlawbhuv.

Puab kubsab lug kawm tej kws cov timthawj qha, puab sishlub sispaab, puab noj Yexus rooj mov hab thov Vaajtswv uake.

Puab txhaj puvnpo Vaaj Ntsujplig tug Dlawbhuv hab txawm cale pib has tau lwmyaam lug lawvle Vaaj Ntsujplig tau pub rua puab.

Uacav txawm muaj ib lub suab nrov nroo ntwg sau ntuj lug ib yaam le ib nthwv cua hlub-hlub lug puvnkaus rua huv lub tsev kws puab taabtom nyob uake ntawd. Puab pum zoole tej nplaig suavtawg lug hab faib pis rhe moog rua sau puab txhua tug. Puab txhaj puvnpo Vaaj Ntsujplig tug Dlawbhuv hab txawm cale pib has tau lwmyaam lug lawvle Vaaj Ntsujplig tau pub rua puab.

Puab najnub moog pehawm Vaajtswv huv lub Tuamtsev, puab noj Yexus rooj mov, hab noj mov uake huv puab tej vaaj tej tsev lug ntawm txuj kev zoosab hab lub sabdlawb sabzoo, puab qhuas Vaajtswv, hab txaussab rua tej kev zoo kws tej tuabneeg suavdlawg qhuas txug puab. Hab txhua-txhua nub, tug Tswv yeej coj cov kws dlim lawm lug ntxiv rua puab.

“ ‘Vaajtswv has tas, thaus txug tam kws nplajteb yuav kawg, Kuv yuav ua le nuav: Kuv yuav pub Kuv tug Ntsujplig rua txhua tug. Mej tej tub tej ntxhais yuav cev Kuv tej lug. Mej tej tub hluas yuav ua ywgtoog, hab mej tej quaslaug yuav ua npausuav pum.

Taagnrho cov ntseeg suavdlawg koom ib lub sab, nyag nqaa nyag tej qhov txhua chaw tuaj tso uake ua suavdlawg tug. Puab muab puab tej aav hab tej khoom kws yog puab tug muag, hab muab tej nyaj ntawd faib rua txhua tug lawvle tug kws muaj kev cheemtsum.

Thaus ntawd leejtwg kws thov tug Tswv paab, tug ntawd yuav dlim.’

lub nub yuav tsaus, hab lub hli yuav lab le ntshaav, uantej Nub tseemceeb kws ci ntsaa-ab ntawm tug Tswv lug txug.