Versículos bíblicos populares de सपन्‍याह 3

Compartir

परमप्रभु तेरा परमेश्‍वर तँसँग हुनुहुन्‍छ, उहाँको सामर्थ्‍यले तँलाई बचाउनुहुनेछ, परमप्रभु तँसित प्रसन्‍न हुनुहुनेछ, र आफ्‍नो प्रेममा उहाँले तँलाई नयाँ जीवन दिनुहुनेछ। तँप्रति प्रसन्‍न भएर उहाँले गीत गाउनुहुनेछ

त्‍यो समय आउँदै छ! छरपष्‍ट भएका तिमीहरूका सन्‍तानहरूलाई म घर फर्काई ल्‍याउनेछु, सारा संसारमा म तिमीहरूलाई प्रसिद्ध बनाउनेछु र तिमीहरूकै आँखाअघि म फेरि एकपल्‍ट तिमीहरूको फलिफाप गराउनेछु।” यसरी परमप्रभु बोल्‍नुभएको छ।

परमप्रभुले तिमीहरूको दण्‍ड हटाउनुभएको छ, तिम्रा सबै शत्रुहरूलाई धपाउनुभएको छ। परमप्रभु, इस्राएलका राजा, तिमीहरूसित हुनुहुन्‍छ, तिमीहरूले फेरि डराउनुपर्ने कुनै कारण छैन।

त्‍यो समय आउँदै छ! म तिमीहरूमाथि अत्‍याचार गर्नेहरूलाई दण्‍ड दिनेछु। लङ्गडाहरूको उद्धार गर्नेछु र विदेशमा छरपष्‍ट भएकाहरूलाई घर फर्काई ल्‍याउनेछु। तिनीहरूको लाजलाई इज्‍जतमा परिणत गरिदिनेछु र सारा जगतले तिनीहरूको प्रशंसा गर्नेछ।