Versículos bíblicos populares de प्रस्‍थान 5

Compartir

तब मोशा र हारून मिश्रका राजाकहाँ गएर भने, “परमप्रभु इस्राएलका परमेश्‍वर भन्‍नुहुन्‍छ, ‘मेरा प्रजालाई जान दे र तिनीहरूले उजाड-स्‍थानमा मेरो भक्ति गर्न एउटा चाड मनाउनेछन्’।”

तपाईंको तर्फबाट म गएर राजासँग बोलेको समयदेखि तिनले यिनीहरूसित अझै निष्‍ठुरी व्‍यवहार गरेका छन्। यिनीहरूको मद्दतको लागि तपाईंले केही गर्नुभएको छैन।”

तब मोशाले फेरि परमप्रभुतिर फर्केर भने, “हे परमप्रभु, किन तपाईंले आफ्‍नो प्रजालाई कष्‍टमा पार्नुभयो? किन तपाईंले मलाई यहाँ पठाउनुभयो?

राजाले सोधे, “परमप्रभु को हुन्? मैले किन उहाँलाई सुन्‍नु र इस्राएलीहरूलाई जान दिनु? म परमप्रभुलाई चिन्‍दिनँ र इस्राएलीहरूलाई जान दिन्‍नँ।”

तर इँटा पहिलाको जति नै बनाउनुपर्नेछ, एउटै इँटा पनि कम गर्न पाउनेछैन। काम थोरै भएकोले यिनीहरू आफ्‍ना परमेश्‍वरलाई पुज्‍न जान दिनुहोस् भनी मलाई भनिरहेका छन्। तिनीहरूलाई पूरा काम लाउनू र फुर्सद नदिनू। त्‍यसो भए तिनीहरूलाई झूटा कुराहरू सुनिरहने फुर्सद हुँदैन।”