Versículos bíblicos populares de Romanos 10

Ti irꞌua tsondáchroxian kixin Jesucristo mé Ìnchá, la ko tsitekaoan kaín a̱sán kixin Díos kjuínchexechón Cristo, la tsaá jaha.

Kixin ti kaín a̱séni tsitekaoni Díos la tsoxika ti iji̱éni, kjánchó irꞌuani tsondáchroxíni kixin titekaoni Jesucristo, ndá Díos sinchekaá ti jeheni.

Méxra̱ ticháxi̱n tsihin sin, ndá tsitekaon sin, la ti itan tsihin sin mé itén Cristo.

*Ndáchro xroon itén Díos: “Kaín ti nkexro tsitekaon Díos la tso̱suèhya sin.” Kixin Díos la tꞌikon nkokón kaín chojni, á ti sin judío o̱ jehya sin judío. Ìnchéni mé Ìnché kaín chojni, la tsjajon chꞌan kaín nkehe tichánxi̱hin kaín ti sin tjanchehe ti jehe chꞌan. *Méxra̱ kaín ti nkexro tsjanchatóxixín ihni̱é Ìnchéni kixin tsjinki̱tsa Díos, la tsaá sin.

*¿La nkexrín chrókjuichronka ijnko chojni ti itan ti kohya ijnko nkexro tsochrꞌán ti jehe sin sátsji sin? Éxi ndáchro xroon itén Díos: “Náxrjón ti ó itji ti sin xrichronka ti itan jína kuènté Díos.”

¿A̱ndá nkexrín chrókjuanchehe sin Díos kixin chrókjuinki̱tsa, ti na̱xa̱ kuítekakonhña sin? ¿La ko nkexrín chrókuitekaon sin Díos ti na̱xa̱ kienhña sin ti itan? ¿La nkexrín chrókuihin sin ti kohya nkexro tsochronka ti itén Díos?

Kixin ti ley la ó xiteyá ti ó ikui Cristo. Mé xi̱kaha kaín ti sin tsítekaon Cristo mé tsoxika ti iji̱é sin.