Versículos bíblicos populares de Mateo 7

’Tjanchehéra Díos nkehe la tso̱tjáhara chꞌan. Tjéyára la tsꞌitjára. Tꞌinkara puerta la tsoxitje̱he̱.

Kixin kaín ti nkexro tjanchia la tsꞌáyéhe̱, ti nkexro tjeyá la tꞌitja, ti nkexro tꞌínka puerta la xitje̱he̱.

’Ti nkexro tihin ti nkehe ndáxrja̱n la ko titekaon, la jehe sin mé éxi ijnko nkexro chónta kjuaxrexinkaon jína la kjuíchꞌéna nchia chritaón itjo̱.

*’Méxra̱ ti tjinkáonra kixin tsjikosáyehe chojni ti jahara, la sa̱o jahara tjáko̱xinra ti nkehe jína, kixin xi̱kaha kꞌue̱to̱an Moisés la ko xi̱kaha ndáchro ti xroon tsíkjin ti sin kꞌuéchronka itén Díos ósé.

Kjánchó tjekahya ti puerta la ko ijnó ti nti̱a sátsji̱xini ti kjuachón la tsjéhya chojni tꞌitja ti nti̱a a.

’Tꞌixe̱énxinra ti puerta tjekahya. Kixin ti puerta la ko ti nti̱a tsꞌitjáñaxín chojni la imá iton la ko tjeka la nchónhña chojni sátji ntiha.

Jahara, kjónté chojni tjenka̱yáxinhña jína, la nohara chje̱héra nkehe jína ti xja̱anra. A̱ndá Itꞌéni Díos itjen nkaya nka̱jní la a̱ntsí nkehe jína tsochjéhe chꞌan ti nkexro tsjanchia.

’Chrokjuéyéhyara ijie̱ ókjé chojni kixin Díos la kja̱xin chrókjuanchehya ijie̱ ti jahara. *Díos la tsjanchia ijie̱ ti tsékara ijie̱ ókjé chojni. Méxra̱, ti xi̱kaha tsotsjehéra iji̱é ókjé chojni la xi̱kaha tso̱hanra kja̱xin.

A̱ndá kaín ti nkexro tihin ti nkehe ndáxrja̱n la titekakonhña, mé jehe sin la éxi ijnko nkexro lo̱nti̱ kjuíchꞌéna ijnko nchia chritaón nchesen.

¿Xá nkexrín chrókuakitsjenkíra ti chji̱nínó intsí tjenkánkí ikon ti kichuara ti na̱xa̱ takítsjenkíhyara ti inta tjenkánkí ti ikonra? ¿Xá nkexrín, chróndáchera ti kichuara: “Ti̱to̱héni tsakítsjenkíni ti chji̱nínó intsí tjenkánkí ikuan”, ti na̱xa̱ takítsjenkíhyara ti chji̱nínó ijié tjenkánkí ikonra?

’Tóxakohanra jína tꞌejora kixin ti sin xrichꞌia ndáchro kixin nixja itén Díos, la chritaón ó tꞌikoni tjo̱é kolélo chónta sin, a̱ndá nkaya la konda̱níxra jie̱he. Jahara la ti ixra̱ ichꞌe sin chrókjuatso̱anxínra sin. ¿Xá á jína, kixin ti ntachꞌi̱ la chrókꞌóna to uva o̱ ti ntachje la chrókꞌóna to higo ní?

Mé xi̱kaha kaín ti inta jína la tꞌóna ito jína, a̱ndá ti inta jehya jína la jehya ito jína tꞌóna.

Ijnko nta jína la xrokjuahya tsꞌóna ito jehya jína, la ko ijnko inta jehya jína la xrokjuahya tsꞌóna ito jína.

*Kaín ti inta tꞌónahña ito jína la chrijin la chexín xrohi.