Versículos bíblicos populares de Mateo 27

*Ndá éxi las tres kójín la chꞌin Jesús itsen kꞌuéya chꞌan, ndáchro chꞌan: ―Elí, Elí, ¿lama sabactani? ―mé tíha tꞌaxrjexín: Itꞌéni, Itꞌéni, ¿nkekuènté kuíto̱heni jehóni?

*Ndá tuénxín ti hora a la kꞌuichje ti ika tjenkákuèxín nkaxehen ni̱nko, kꞌóna yaá ndesi noi la ko hasta nonte. La kꞌuínki nonte la xitje̱he̱ itjo̱. La ko xitje̱he̱ ti tòye̱ tsíxravá chojni la xechón itsjé ti sin kꞌuékinkáchónki Díos.

Ndá chꞌin Jesús ínaá itsen kꞌuéya chꞌan, ndá ikꞌuén chꞌan.

Ndá ti capitán la ko ti sin kꞌuejó ntiha, tꞌayakohen chꞌin Jesús, ti ó kꞌuíkon sin kꞌuínki nonte la kaín ti nkehe kóhen la imá chrakon sin, la ndáchro sin: ―Chaxín ti nkexro í la Xje̱en Díos.

Ndá ndesi chonkíxin la ko hasta las tres kójín mé kꞌuíxin tie kuènté chjasintajni.

A̱ndá chꞌin Pilato mé kjuanchankí chꞌan: ―¿A̱ndá nkehe si̱tꞌaha̱ Jesús, ti nkexro nchekꞌinra Cristo? Ndá kaín sin kjuáte̱he sin: ―¡Tsjakꞌenkáni chꞌan ntacruz! Ndá chꞌin Pilato kjuanchankí, ndáchro: ―¿Xá nkehe ijie̱ kjuíchꞌe ti nkexro i? Ndá jehe sin la a̱ntsí itsen, kꞌóyako sin, ndáchro sin: ―¡Tsjakꞌenkáni chꞌan ntacruz!