Versículos bíblicos populares de Hebreos 5

Compartir

A̱ndá ti sin inie nkehe icha mé ti chojni nte̱to kixin ó nohe sin ti nkehe jína la ko ti nkehe jínahña.

*Ó itsjé nánó, la ó jína chrókꞌónara ijnko chojni tjako, kjánchó náhí, kixin na̱xa̱ ticháxi̱n tsoxrako̱hara ti nkehe xra̱hya kuènté itén Díos. La xíkjan kꞌónara éxi ijnko chájan noehña, ticháxi̱n itsꞌira itsjen kixin xitjahya sintera ti nkehe icha. Ti sin itꞌi itsjen la yóhe̱ éxi ijnko ixjan na̱xa̱ takí kixin na̱xa̱ noehña sin ti nkehe jína la ko ti nkehe jínahña.

Mé xi̱kaha Cristo, kjónté Xje̱en Díos, la kjuasóte chꞌan la xi̱kaha kjua̱ko̱xi̱n chꞌan kixin kjuínchexiteyá chꞌan. Méxra̱ ti kjuínchexiteyá Cristo, ndá kjuacha chꞌan la kꞌóna chꞌan ti nkexro tsjajon ti kjuachón nkochríxín tsꞌáyéhe̱ kaín ti chojni tsitekaon ti jehe chꞌan.

*Mé xi̱kaha ti ó kjuákꞌe Cristo ntihi chjasintajni la tsjánka chꞌan la ko itsen kjuanchehe chꞌan Díos, kixin Díos chrókjuinchekaá ti jehe chꞌan kixin chrókꞌuénhña chꞌan; la kuíhin Díos ti nkehe kjuanchia Cristo kixin jehe chꞌan kjuínchexiteyá chꞌan ti nkehe kꞌue̱to̱an Díos.