Versículos bíblicos populares de Matta 6

Compartir

Wo ɓa ga fye ɓa n bugba da yi, ndei fya wo nu shi na bye kpa, fyei zan-zan ngye shi wo ye fya zan.

“Ntu ce nu fye to saɓo ntu nsu ɓo m. Shekwoyi ɓa lura n koyi. Nyipyeyi doho-dohoyi nkwo aɓo yi.

“Emi shaula nu nyi, fye to saɓo n nya ɓo n fye ɓa gyi m, kwo fya sin, kwo fya kpem, Ntu ge fye n wye-wyei lo ɓedo n nayi, ɓa du anyagyi lo naje kpe yi.

Ama esa ha zhin aduwa, la lo dna nyakun, ha ku aba gu, ha zhin aduwa ga ʼho Dada fiya, oho Dada n wo kpe asigyi nyi, wo ɓa ga ho lada.

Fye zhin aduwa ge “Eye Dada n ho dna eshe nyi ayi ho eye gyi-gyi-yi. Yi ye oho ebe kwa ɓe wolo. Fa azhin ho ɓeye dna nu anyi ye, ngye shi a zhin dna eshemi.

Gayi nyagyi n jesun naiye ngye shi ho shin yi ga.

Ha zhin yi alaifi gafara ngye shi yi zhin ɓa n ɓa zhin yi laifi nyi.

To lo n yi n jaraba mi m, ama ha gniyi n Eza nukwoyi. Amin.

Efye Dada n wo dna eshe nyi wo ɓa zhin fye gafara ndei fya zhin azaje gafara, ama n fye to ye ɓa gafara zhin ɓo m, wohin ta zhin fye m.

Fye dna alu wye! Ɓa to na ɓesa yi ntu ɓa nyagyi ɓo m, ɓa ta bye m, ai gna ɓa do ɓa so fi na dobu m. Efye Dada n wo dna nʼshe nyi, wo nu kpa ɓa. Fyehin kuwa wo gna sun lo n fya pmayi n du ɓa.

“Fye to so fye nyabwa shi nu anyi aba kwo ɓa wunya, ko avi awyi ko m. Ama fye so nya shi nʼshe aba kwo ta wunyam, aba na vi ta mi ɓa wyi m. Ndei efye nyabwa so shi lo nʼshe, efye bugba ɓa sun ɓo nu.

“Ho ta mi ha zhin a Dagayi ngun aba bauta m, watau Shekwoyi n na gyiwye yi. Tile haye n gmanyi yi, ha wun gmanyi nu.

Ndei Shekwoyi lura na mamayi n sun lo nu, oɓa nu n ɓa lo naiye nsu ɓai zo, wo ta gna lura n fyei nu, o aza agaiciya ga gba-gbayi da?

Ama esa nu ha zhin eza ɓemanayi, ha zhin kwo fiya to ye ge bwa pmi kwa kpe oɓo n bwaizhe zhin m. Efye Dada n wo kpe asigyi nyi, wo ɓa ga fye lada.

Yi zhin peceye. Yi to zhin aɓo manayi na za abye ntu ge ɓa ci yi m, n ya zhin lo nu, yi ta bwa lada n eyi Dada aba nwo dna nʼshe nyi m.

“N sayi ntu azumi ɓo. Fye tna nyagyi-gyi ntu zafun ɓo. Fye to zhin kwo pei-pei m, ngye shi a kwoce- dnayi zhin ɓa wu ge ɓa n wahala yi lo, to ɓa so tukwo m, n nabai aza ci ɓa sun-sun. Gaiciya, lada nu n ɓa ɓa bwa. Ama esa n fye zhin azumi, fye ku aje manayi kpe. N nabai to zaho wa kpe ge mikun gun fye lom, sai efye Dada n wo kpe asigyi vinya nyi. Wo ɓa ga fye lada.