Versículos bíblicos populares de Romans 1

Compartir

Kanŋugiŋitkiga tusaayugaaġiksuaq qanuq taavrumuuna God-im annautillagaa kiñaliqaa ukpiqtuaq tusaayugaaġiksuamik, qaiqqaaŋaruaq Jew-guruanun, aasii aquvatigun Jew-guŋitchuanun.

Taavrumuuna tusaayugaaġiksuakun God-im nalaunŋatqutaa salapqiŋaruq iñupayaami ukpiqtuami tusaayugaaġiksuamik, aglausimaruatun inna, “Iñuk nalaunŋasirauruaq ukpiġunmigun iñuuniaqtuq isuitchuamun.”

Taimaŋŋaqaŋa God-im savaŋmagich supayaat, iñuich qiñiŋagaich sut God-im savaaŋi, suli iḷisimavlugu iñuutilaaŋa suaŋŋatiqaqłuni kamanaqtuamik isuitchuamun. Tavraasii patchisiksraitchut

qanuq iḷisimagaluaqługu God, ukpiġilipiaġataŋaitkaat God-auniḷugu aasii nanġaġlugu quyyavigilugulu, aglaan isumalluaġiiḷiŋarut kamasuutaiqł̣utiglu.

Tainnatchich iñuich ukpiġiŋagaat saglun, ukpiġigaluaġnagu iḷumun ittuaq God-ikun. Tavra aŋaiyyuvigiŋagaich sut God-im savaaŋi, aasii kamagisuŋił̣ł̣ugu God savaŋaruaq supayaanik, nanġagaksrauruaq isuitchuamun, Amen.

Qanuq God-im qinnautaa salapqiqsuq qiḷaŋmiñ iñupayaanun god-aiḷaqtuanun piḷuktuanullu, tamatkunuŋa piñaiḷutchiqsuiruanun iḷumun ittuamik.

Taamna pisigivlugu God-im ilaisituuqtinŋagai pigiitchuanun kipiġniuġutiŋiññun. Aġnaŋisa simmausiqł̣ugu nutim piḷġusiuruaq atugaġivlugich timitiŋ aġnauqanmiŋnun. Tainnatuttauq aŋutit simmausiqł̣ugu nutim piḷġusiq aġnamun kipiġniupiaġatautigivlugich atugaġisukługich aŋutit timitiŋ kanŋunaqtuakun allanun aŋutinun. Aasii nalliummatiruamik paaqłiusiaqaqłutiŋ pigiitchuatigun piḷġusiġikkaġmikkun. Qanuq isummatigimmarruŋ kamagiraksraiññivḷugu God, ilaan ilaisituuqtinŋagai pigiitchuanun kipiġniuġutiŋiññun, piḷuusiqutinullu piḷġutchiñun.

Uqavigaaqłutiŋ isumatunivḷutiŋ isumalluaġiiḷiŋarut, suli aŋaiyyuniq tuqulaitchuamun God-mun simmausiqł̣ugu aŋaiyyuvigivlugich iñuuraqpaliat tuqullaruatun iñuktun, tiŋmiatullu niġrutitullu nimiġiatullu.