Versículos bíblicos populares de Filipi'en 4

Compartir

To' on ngaanno dow koo ɗume, ammaa nder koo ɗume toree Allah, ngeccooɗon mo tornde mooɗon e yettoore.

Ndeen Allah kokkoowo jam ɓurɗum fahamu neɗɗo fuu no reeney ɓerɗe mooɗon e nyumooji mooɗon gada e Yeesu *Almasiifu.

Banndiraaɓe, raa ko kornumi vi'igo on : mbaɗee nyumooji mooɗon dow ko woni goonga, e ko foti teddineego, e aadilaaku, e ko laaɓi, e ko heƴi yiɗeego, e ko woni belɗum. Nyumee dow ko ɓuri vooɗgo e ko foti mawnineego.

Emi waawi jaɓɓaago ko tawi yam fuu, sabu *Almasiifu cemmbiɗinoowo yam.

Wakkaci fuu nanee belɗum gam kawtal mooɗon e Jawmiraawo. Emi ɓesda vi'igo on ɗum kadimaa, nanee belɗum !

Allah am nder ɗuuɗal risku muuɗum no hebbiney bukaataaji mooɗon fuu, sabu kawtal mooɗon e Yeesu *Almasiifu.

Ko ekkitinmi on, ko njaɓɗon, ko nanɗon e ko ngiiɗon e am fuu, kuwee ɗum. Allah kokkoowo jam boo no wondey e mooɗon.

Ngooree booɗal gikku mooɗon yi'oo yeeso yimɓe fuu. Bittoyki Jawmiraawo ɓadake.

Emi anndi jooɗaago nder cooyndam e risku. Koo ndeye e koo toye fuu, mi ekkitake haargo e dolgo, e wongo nder ɗuuɗɗum e wongo nder ciya.

Mi yeccake on ɗum, naa gam emi yiɗi goɗɗum to mooɗon, gam mi ekkitake jooɗaago e ɓernde waaltiinde nder ko tawi yam fuu.