Versículos bíblicos populares de Eksadas 5

Compartir

Bambai na Mosis en Eran bin go langa det king blanga Ijip, en dubala bin dalim im, “Det God blanga ola Isreil pipul neim YAWEI bin tok yu garra larramgo ola pipul blanga im. Yu garra larramgo olabat wulijim dei garra go langa det deset kantri blanga abum det serramoni blanga im.”

Brom det taim wen aibin go langa det king blanga dalim im wanim yubin tok, imbin tridimbat yu pipul olabat brabli nogudbalawei, en yu nomo bin dum enijing blanga album olabat.”

Brom deya Mosis bin tok langa YAWEI, “Bos, wotfo yubin meigim trabul kamat langa yu pipul olabat? Wotfo yubin jandim mi iya?

Wal det king bin tok, “YAWEI? Hu YAWEI? Wotfo ai garra lisin langa im en larramgo ola Isreil pipul? Ai nomo sabi YAWEI, en ai kaan larramgo detlot pipul.”

Det king bin tok, “Yumob garra meigim ola Isreil wekinmen wek mowa adbala, dumaji dei nomo dumbat naf wek, en dei askimbat mi blanga larramgo olabat blanga abum det serramoni blanga olabat God. If dei dumbat loda wek, wal dei kaan abum taim blanga lisin langa detlot stori weya det dubala dalimbat olabat. Wal yumob garra meigim olabat adwek mowa weya dei meigimbat ola brik. Yumob sabi? Yumob kaan gibit olabat detlot speshalwan gras blanga meigim detlot brik. Dei garra go en lukabat detlot gras olabat selp, en wen dei meigim detlot brik, dei garra stil gajimap det seim namba weya deibin meigim basdam. Yumob kaan tjeinjim det namba.” Lagijat na det king bin tok.