Versículos bíblicos populares de Tongo nda ti aye 45

Compartir

Me fadeso, ayeke nzoni be ti ala aso pepe; ala sara nga ngonzo na tere ti ala wani ndali ti kango so ala ka mbi so pepe, ngbanga ti so Nzapa atokua mbi kozo ti ala titene ndali ti mbi, ala ngba na fini.

Tongaso, ala laa atokua mbi ge pepe, me Nzapa laa atokua mbi. Lo sara titene mbi ga tongana babâ ti Faraon, mbi ga makonzi na ndö ti azo na aye ti da ti lo si mbi ga komanda na ndö ti sese ti Ezipte kue.

Nzapa atokua mbi kozo ti ala ti sara si mara ti ala angba na fini na ndö ti sese. So ayeke mbeni kota ye so lo sara titene lo soo ala na kuâ.

Joseph atene na ala: “Ala ga nduru na tere ti mbi.” A-ita ti lo ni aga nduru na tere ti lo si lo tene na ala: “Mbi Joseph, ita ti ala, mbi so ala ka mbi ando si azo ague na mbi na Ezipte so laa.

Kota nzara so ati na ya ti kodro so asara ngu use awe. Angba ngu oku so na ya ni, fade azo alingbi ti fâ yaka wala ti ko ale ti kobe pepe.

Joseph atene na a-ita ti lo: “Mbi Joseph laa. Babâ ti mbi angba na fini?” A-ita ti lo ni ayeke na ngangu ti kiri tënë na lo pepe, ngbanga ti so mbeto ahon ndö ti ala.