Versículos bíblicos populares de Awatokua 5

Compartir

Pierre na awatokua akiri tënë: “Alingbi e ma yanga ti Nzapa ahon ti azo.

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru. Kozo titene mo ka yaka so, yaka ni ayeke fade ti mo. So mo ka ni so, nginza ni ayeke ti mo. Ngbanga ti nyen laa mo leke na be ti mo ti sara mara ti ye tongaso? Mo tene mvene na zo pepe, me na Nzapa!” So Ananias ama tënë so, lo ti si lo kui. Azo so kue ama tënë ti ye so, mbeto agbu ala mingi.

Fadeso, ala ma tënë so mbi yeke tene na ala: ala sara ye oko na akoli so pepe, ala zia ala. Tongana ye so akoli so aleke si ayeke sara so alondo na zo, fade ali ngu. Me tongana alondo na Nzapa, ala amba ti mbi, ala yeke na ngangu ti kanga lege ni pepe! Ala sara hange si ala tiri bira na Nzapa pepe!” Azo ti fango ngbanga ni aye peko ti tënë ti Gamaliel.