Versículos bíblicos populares de MARK 13

Compartir

Suuna halaŋ hin tinigi ira ki kanu. Sa ma tin hurum kan na din din, faɗ ha ki na faɗ na, nam hin suɗ kiyo.»

Lagi tagi jiviya. Buurugi senɗi. Agi ka wi buu ma dla ndaɗta mba hunaɗi.

Falira asi vagira, ɓigigi vun dikigi kay va ma agi dammaɗi. Fali ndaɗta boy ma agi damma ka dam agiɗi, dagina ay funugi ni Musuk Lonara.

Huulona u ndaŋgara hin daɓ kiyo, boy manna ka daɓ kiɗi.»

«Buu ma dla ndaɗta li huna, sa ka wambi. Suu sunda huulona ka wambi lay. Goŋ Lonna ka wambi lay. Buna wammi nam dew.

Falira agi li ka hum soora vi duuna tok lay, hum boy dla duuna ha hu mbassa day lay ni, lagi ndaaɗi. Dla ndaɗta hin mbaa. Ni ka daɓpa vi ndaŋgaraɗi tuwa.

Agi lay ni kakagi iiri na may, kayme agi ka wi buu ma malaŋ zina hoŋ ay vo hunaɗi. Nam hin hoŋ ay ni fiɗigi kala, duk ŋgikka kala, ŋgarapii kala, maɗii kala, agi ka wiɗi. Ko nam kafagi, fagi ki senɗi. Boy ma an daginana, ni maŋ suuna bel, juɓugi iiriya.»

Njaf suu dewna tuɗ duu ha suu hiŋŋa may, mulla tuɗ duu ha mul hiŋga may. Ndaŋgara hin gijaŋ geŋeɗta, bakdarra ŋgolla ndi gaw may. Dla ndaɗta li ni ko cara wi hawra a gi jaŋ vuɗtara na.

Boy ma Ayra ɓak ki jew kay yam mbassa halaŋ tuwa.

Suuna hin mba u sen bolow cocoo, hin di ana, Anni Sa Lona Fuurumma. Asi hin ganyam suuna ki usi cocoo.

«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda.

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

«Hu buu namma ŋgoo lassa dagan wanni, faɗta hin mbuɗ ki ndufunu, tilna ka wi haɓ oloɗi lay, ciciwra hin yak ay ki kaŋgaa, saɓakŋa vi tlesuu huulona hin geŋeɗa.