Versículos bíblicos populares de خروج ۱۲

Compartir

من هو شب مصرٚ سرزیمینٚ میأن دوأرم و تومامٚ اینسأنأن و چهارپایأنٚ اوّلی زأکأنَ کوشم و مصرٚ خودایأنَ داوری کونم. من خوداوند ایسم. او خون ایتأ نیشأنه به او خانه‌یی وأسی کی اونٚ دورون ایسَه‌ییدی. خونَ کی بیدینم، شیمی جأ دوأرم، و وختی کی مصرَ زِئن درم هیچ بلایی شیمی سر نأیه.

اَ روز شمرَ یاد بمأنه، اونٚ دورون خوداوندٚ رِه جشن بیگیرید. اَ عید ایتأ قانون ببه کی نسل به نسل تا همیشه بر پا بوکونید.

وختی شیمی زأکأن شمرَ وورسید: ‹چی وأسی اَ عیدَ بجا اَوریدی؟›، بیگید: ‹قوربانی‌یٚ پِسَخ ایسه خوداوندٚ رِه، کی مصرٚ دورون بنی‌ایسرائیلی‌یأنٚ خانه جأ گوذر بوکوده وختی مصری‌یأنَ هلاکَ کودن دوبو، ولی خانواده‌یأنَ نجات بده.›» بأزین بنی‌ایسرائیل سوجده بوکودیدی و خوداوندَ پرستش بوکودید.