Versículos bíblicos populares de JAKOB 1

Compartir

Ani daphlungrao, jadi jadi nisi nai naiyaba khe goron khade, khrip khusi ni grao se thihi bao lah, nisi lonma ha nai naiyaba goronyaba de nisi niha khah laoma slamba se thihi nisi tharmai lah.

Nisi ni bising ha asaba bo buddi gyan baojo kha de, khrip subung niha joya hi ode khaithiya hi riyaba Madai niha sain la thing, odese, mai ma.

Ani khasaoma ni daphlungrao, ebo grao khe ning tharmai lah! Khrip subung grao joba khe selaiya hi, khna mani gede selai lah, thamsi baigoya hi nisi khah lao lah.

Odehe, musibo baojoya hi nisi phura japhu mani ode, nisi khrao japhu mani khlai hi dukhu khah laoma nisi niha phura khusi ja thing.

Bede thikhade, grao khnayaba se ning ja hi, jar khe thokhi laya hi, khusi dang hi grao maniyaba ja lah.

Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

Hamba jinis riyaba ode phura jinis riyaba de basao gede ni jnama buthu ni bupha ni phrang akhai buyaba se. Boni ha se gibin jayaba ode sigring lai giding phin hi gibin slai phuyaba musi bo giri.

Asababo grao khnayaba ja hi, maniyaba jaya khade, derphnai ha jar ni hajai phayaba mukhang khe naiba lai jasosi se. Hamsi ning jar khe nai hi, bo thang la re, ode jar ni mukhang khe bede ja kha thihi srap bo blao re.

Madai jang Bupha ni sagang ha dormo gathar ode phap gaba phayayaba de ebo se: mathisarao, banjikrao bonsi dukhu ni bubli ha naihiyaba ode habsao ni gusu rege dophaya hi jar khe hamsisi naiso layaba se.

Saosibo naigrik goron ba ha, Madai se ang khe naigrik ri ba, thihi da thi thing. Madai khe phap jang naigrik phuma niya, bobo saosi khebo naigrik riya. Thikhabo, khrip subung de jar ni libima jang se naigrik goron ba; bo libima jang se subung khe sikpha hi, bo phainjao re.

Daphlung songthan hidao hi dongyaba de sugu jaoba ni bubli ha bonsi khaja la thing.