Colorado - 1990 Edition (NT)

<div class="version vid565 iso6393cof" data-vid="565" data-iso6393="cof">
 <div class="book bkROM">
 <div class="chapter ch5" data-usfm="ROM.5">
 <div class="label">5</div><div class="s1">Sen jolajoe tinunla son timinlayoe tinunca</div><div class="p"> 1Cayaica jonan, Diosi chiquilaca sen jolajoe tinue. Jun tenchi chiquilari Diosibe man tencari jolajoyoe. Chiquilachi Miya Jesucristo chiquilaca Diosibe man tencari suwanue. 2Junni Jesucr&#237;stobe cayainan, Diosi chiquilaca laquirato, chiquilabe sen joe. Diosi chiquilaca duque sen suwachunae yape ya cuwenta jolajosa. Junca tenhito, duque son timinlayoe. 3Juncasiri son tituminlayoe. Padeseinanuncanan son timinlayoe. Padeseinato, peleitumin iminlayoe. Junca mirato, padeseinunca son timinlayoe. 4Junni peleituminlaca Diosi sen jolajoe tichunae. Junni chiquilaca sen jolajoe tinato, to yucapiyarino matenan chiquilaca se larichunaeque miralarayoe. 5Junni junca miralarasanan, jun tsanquenan patichunae. Diosi yachi Tencaca chiquilachi cuwanue. Yachi Tencaca cuwato, chiquilaca duque laquirae. Tsanque miralarayoe Diosi chiquilabe sen jono joeque.</div><div class="p"> 6Chiquila cumana joto tenca m&#225;nta se lono podeitusanan, Cristo seitonlachi tenchi puyanue Diosi mantaca jun ma fanunsi. 7Tsachilari sen tsachilachi tenchinantiya puyatuchi latichunae. Tsan josanan, pansile tsara sen tsachi jonari, yachi tenchi puyano jochunae. 8Cristo mantimini chiquila seitonlachi tenchi puyanue. Diosi chiquilaca tsanque micarie chiquilaca duque laquirayoeque. 9Cristo yachi asan larito puyanun tenchi Diosi chiquilaca sen jolajoe tinue. Tsan jonari, sen joe tisa carito, se larichunae yape Diosi paino mate chiquilaca paitusa. 10Diosichi Nao puyato, chiquilaca amicola mansuwanue. Pa tala cajominlacanan Diosibe amico suwanue. Junni puyato amico suwaca jotori, mansonhito chiquilaca se larino jochunae. 11Junni jun mate Jesucristo se larino josanan, amananan Diosica son tilatinayoe. Chiquilachi Miya Jesucristo chiquilaca amico suwato, son tisa carinae.</div><div class="s1">Adanbe Jesucr&#237;stobeca tenca cato, inca miintsan joe</div><div class="p"> 12Matu mate tsachi manca, Ad&#225;n tinun, jutsa quinue. Junni ya Ad&#225;n jutsa quinun tenchi puyano patinue. Juntele nechi jeralela jutsa quito, jeralela puyano paticalayoe. 13Diosi yachi mant&#225; chutecaca cacuwatusanan, jutsa quimin jominlanue. Junni tsan josanan, ti mantanantiya itomanpari, jutsa quino culpa itono jomin jonhoe. 14Tsan josanan, jun matenan jerale tsachila puyamin jominlanue. Ad&#225;n sonnano male nechi Mois&#233;s Diosichi mant&#225; chuteno ma fec&#225;ri tsachilari yalachi jutsa tenchi puyamin jominlanue. Adannan quiraque jutsa quituminlanan, uyan quiraque jutsa quiminla jonun tenchi puyamin jominlanue. Ad&#225;n matu mate duque tsachilaca ya cuwenta suwaca josa, numari ma polenunbi Jesucr&#237;stonan duque tsachilaca ya cuwenta suwamin joe.</div><div class="p"> 15-16Tsan jotonan Jesucristo Ad&#225;n cuwenta itominue. Itsanque jolajominue. Matu mate tsachi manca Ad&#225;n tinun, jutsa quito duque tsachilabe seiton jominue. Jutsa quito puyano patarinue. Junni manca tsachi, Jesucristo tinun, yari duque laquiramin joto duque tsachilabe sen jominue. Tsachilaca laquirato, epe cuwanique cuwenta tsachilabe sen jominue. Ad&#225;n man neri jutsa quinan jerale tsachila yabe culpa tan ilainue. Juntonan tsachila duque jutsa quiminla jotonan, Jesucr&#237;stobe culpa iton manpatilaichunae. Epe cuwanique cuwenta yalaca perdonaichunae. 17Manca tsachi jutsa quito jeralelaca puyasa carinue. Tsan josanan, manca tsachi, Jesucristo tinun, yari tsachilaca manse larimin joe. Yari tsachilaca laquirato, sen jolajoe tichunae tsachilachi epe cuwanique cuwenta. Junni sen joe tinunla fe loto, Diosibe sonnalarachunae.</div><div class="p"> 18Junni manca tsachi jutsa quito jeralelaca culpa patarinue. Junni jun cuwentanan manca tsachi se quito jeralelaca perdonaito sonnasa carimin joe. 19Junni manca tsachi mer&#225;n iton joto, duque tsachilaca jutsa quimin suwanue. Jun cuwentanan manca tsachi mer&#225;min joto, duque tsachilaca manse suwanue. 20&#191;Junni ti quichun Diosi yachi mant&#225; chutecaca cuwan? Mant&#225; chutecaca cuwanue yape seiton quinun tenchi f&#233;cari culpa jolajosa. Junni f&#233;cari culpa taminlaca Diosi f&#233;cari laquirato perdonaimin joe 21yape tsachila numatotiya sonnato polelaisa. Jutsa quinun tenchi puyasa mant&#225; jomin josanan, amana mate chiquilachi Miya Jesucr&#237;stobe numatotiya sonnato polechun mant&#225; talarayoe. Chiquilachi Miya Jesucristo chiquilaca laquirato sen tenca suwanue yape numatotiya yabe sonnato polelaisa.</div>
 </div>
 </div>
</div>

Cayaica jonan, Diosi chiquilaca sen jolajoe tinue. Jun tenchi chiquilari Diosibe man tencari jolajoyoe. Chiquilachi Miya Jesucristo chiquilaca Diosibe man tencari suwanue. Junni Jesucrístobe cayainan, Diosi chiquilaca laquirato, chiquilabe sen joe. Diosi chiquilaca duque sen suwachunae yape ya cuwenta jolajosa. Junca tenhito, duque son timinlayoe. Juncasiri son tituminlayoe. Padeseinanuncanan son timinlayoe. Padeseinato, peleitumin iminlayoe. Junca mirato, padeseinunca son timinlayoe. Junni peleituminlaca Diosi sen jolajoe tichunae. Junni chiquilaca sen jolajoe tinato, to yucapiyarino matenan chiquilaca se larichunaeque miralarayoe. Junni junca miralarasanan, jun tsanquenan patichunae. Diosi yachi Tencaca chiquilachi cuwanue. Yachi Tencaca cuwato, chiquilaca duque laquirae. Tsanque miralarayoe Diosi chiquilabe sen jono joeque.
Chiquila cumana joto tenca mánta se lono podeitusanan, Cristo seitonlachi tenchi puyanue Diosi mantaca jun ma fanunsi. Tsachilari sen tsachilachi tenchinantiya puyatuchi latichunae. Tsan josanan, pansile tsara sen tsachi jonari, yachi tenchi puyano jochunae. Cristo mantimini chiquila seitonlachi tenchi puyanue. Diosi chiquilaca tsanque micarie chiquilaca duque laquirayoeque. Cristo yachi asan larito puyanun tenchi Diosi chiquilaca sen jolajoe tinue. Tsan jonari, sen joe tisa carito, se larichunae yape Diosi paino mate chiquilaca paitusa. Diosichi Nao puyato, chiquilaca amicola mansuwanue. Pa tala cajominlacanan Diosibe amico suwanue. Junni puyato amico suwaca jotori, mansonhito chiquilaca se larino jochunae. Junni jun mate Jesucristo se larino josanan, amananan Diosica son tilatinayoe. Chiquilachi Miya Jesucristo chiquilaca amico suwato, son tisa carinae.

Matu mate tsachi manca, Adán tinun, jutsa quinue. Junni ya Adán jutsa quinun tenchi puyano patinue. Juntele nechi jeralela jutsa quito, jeralela puyano paticalayoe. Diosi yachi mantá chutecaca cacuwatusanan, jutsa quimin jominlanue. Junni tsan josanan, ti mantanantiya itomanpari, jutsa quino culpa itono jomin jonhoe. Tsan josanan, jun matenan jerale tsachila puyamin jominlanue. Adán sonnano male nechi Moisés Diosichi mantá chuteno ma fecári tsachilari yalachi jutsa tenchi puyamin jominlanue. Adannan quiraque jutsa quituminlanan, uyan quiraque jutsa quiminla jonun tenchi puyamin jominlanue. Adán matu mate duque tsachilaca ya cuwenta suwaca josa, numari ma polenunbi Jesucrístonan duque tsachilaca ya cuwenta suwamin joe.
Tsan jotonan Jesucristo Adán cuwenta itominue. Itsanque jolajominue. Matu mate tsachi manca Adán tinun, jutsa quito duque tsachilabe seiton jominue. Jutsa quito puyano patarinue. Junni manca tsachi, Jesucristo tinun, yari duque laquiramin joto duque tsachilabe sen jominue. Tsachilaca laquirato, epe cuwanique cuwenta tsachilabe sen jominue. Adán man neri jutsa quinan jerale tsachila yabe culpa tan ilainue. Juntonan tsachila duque jutsa quiminla jotonan, Jesucrístobe culpa iton manpatilaichunae. Epe cuwanique cuwenta yalaca perdonaichunae. Manca tsachi jutsa quito jeralelaca puyasa carinue. Tsan josanan, manca tsachi, Jesucristo tinun, yari tsachilaca manse larimin joe. Yari tsachilaca laquirato, sen jolajoe tichunae tsachilachi epe cuwanique cuwenta. Junni sen joe tinunla fe loto, Diosibe sonnalarachunae.
Junni manca tsachi jutsa quito jeralelaca culpa patarinue. Junni jun cuwentanan manca tsachi se quito jeralelaca perdonaito sonnasa carimin joe. Junni manca tsachi merán iton joto, duque tsachilaca jutsa quimin suwanue. Jun cuwentanan manca tsachi merámin joto, duque tsachilaca manse suwanue. ¿Junni ti quichun Diosi yachi mantá chutecaca cuwan? Mantá chutecaca cuwanue yape seiton quinun tenchi fécari culpa jolajosa. Junni fécari culpa taminlaca Diosi fécari laquirato perdonaimin joe yape tsachila numatotiya sonnato polelaisa. Jutsa quinun tenchi puyasa mantá jomin josanan, amana mate chiquilachi Miya Jesucrístobe numatotiya sonnato polechun mantá talarayoe. Chiquilachi Miya Jesucristo chiquilaca laquirato sen tenca suwanue yape numatotiya yabe sonnato polelaisa.

Escucha a Románolachi 5