New Testament in Carrier, Southern (CA:caf:Carrier, Southern)

Yakʼusda bughunek: k’andit khunek neba lhaidinla

<div class="version vid537 iso6393caf" data-vid="537" data-iso6393="caf">
 <div class="book bkACT">
 <div class="chapter ch26" data-usfm="ACT.26">
 <div class="label">26</div><div class="s">Agrippa bubut 'et Paul duba yanaltuk</div><div class="p"> 1'Et Agrippa, Paul y&#250;lhni, &#8220;Duba yanataltuk 'et ngha oon&#237;'ai.&#8221; Paul didilnik 'ink'ez duba yanawh&#233;niltuk hoh ndutni, 2&#8220;Hubudayi cho Agrippa, Lizwif lhat sk'eh&#250;hoonla hubugha, sich'oh mbut duba yanatelh&#250;tuk. K'an dzin sugha oon&#237;'ai, 'et huwa tube suba h&#243;olya nuszun. 3'Et njan 'alha' hoont'ah nyunch'oh soo t'e&#243;oninzun nts'e na'a Lizwif duk'ah ts'ih dune hinli 'ink'ez lhtah 'uhudutni hoh chah, 'et huwa soo cho soo z&#233;lhts'ai nts'u h&#250;kwa' dusni. 4Nusol da whuts'un nts'e na'a yinkak s&#237;da Lizwif ts'iyawh t'&#233;hon&#237;nzun soo 'ud&#233;choo whuts'un sich'oh skeyah 'ink'ez Jerusalem chah hoh zeh dune usdli 'et t'&#233;hon&#237;nzun. 5'Udechoo whuts'un soo degha nus duluglez hukw'un n&#233;'ut'en, Pharisee, 'en hubulh desdowh 'et t'&#233;hon&#237;nzun, 'et huwa hukwa' huninzun t'eh 'et da sla'hudootni wule. 6Ndai Yak'usda netsuh whudelhdzulh hubuts'&#250; yoozi, 'i si chah buk&#225; tsih h&#243;osdli, 'et huwa k'an njan oot&#233;lhdzih ka mbut s&#237;yin. 7'Et whuz na'a ndunnah lanezi 'o 'at nawh d&#233;dowh dune,#26:7 Ndunnah lanezi 'o 'at nanah 12 'en Jacob buzkeh 'uhant'e. Lizwif ndunnah hits'uh hainde ho' hant'e. 'en ndi khunek buts'&#250; yoosdzi hubugha &#237;telts'ulh, 'et hukwa tsih huh&#243;oli, dzin 'ink'ez 'ulh'ek 'i bulh Yak'usda ts'un t&#233;ni' 'uhunilhzun whutah. 'Et hubudayi cho Agrippa, ndet ndunnah Lizwif, hukwa tsih huh&#243;oli, si chah hukwa tsih h&#243;osdli. 'Ink'ez 'et hukwa sk'eh&#250;hoo'ai. 8'Et ndet huwa nuhwhuba 'alha 'uhot'e gha&#237;t'ah njan Yak'usda dune yaidla dinabudile hubugha? 9Ndun Sizi, Nazareth whut'en, ts'iyaitsuk hoh buch'a doosni nuszun &#237;nle. 10Jerusalem 'et ndust'en inle, n&#225;whulnuk degha nus hud&#233;zti stl'ahah&#243;'ai hoh lhanah dune Yak'usda bube'ildzun, 'en tsak'ebesdla 'ink'ez yahut&#233;dlah wheni huba nahesda hoh, si chah buch'a d&#233;sni. 11Si 'udusni huwa luglez totsuk dune dzuh nobuhulhdeh Sizi Gri hich'a na&#243;ol'ah hukwa' bulh'en. Whuz tube hubulh h&#250;nlhuch'e k'et nilhdza keyah whunts'ih nobunusya dzuh nobutelhzut ka.&#8221;</div><div class="s">Paul, Sizi ts'un budzi n&#225;hundunez'ai hukw'un n&#225;whutelnuk</div><div class="p"> 12&#8220;Njan 'et wheni n&#225;whulnuk degha nus whud&#233;zti stl'ahuho'ai 'et Damascus ts'ih teya. 13'Ink'ez hubudayi cho Agrippa, dzetniz bat'en 'et ti ts'edulh hoh kwun ndult'ah, 'i sa degha nus 'ultus, 'i dune sulh h&#233;dulh bulh nenat n&#250;deznat. 14'Et ts'iyawh yun nats'&#225;nkat hoh Hebrew bughunek k'una'a sulh y&#225;ztelhtuk hoh nduwh&#250;tni, &#8216;Saul, di ka 'int'en, dzuh nus&#237;lhdzut? Ndun tulsus nule 'aw buk'&#250;nucha'zint'en t'eh, nyunch'oh zeh dzuh nun&#225;'dudutaldzut,&#8217; s&#250;lhni. 15'Et oodulhkut, &#8216;Moodihti ndan inli?&#8217; d&#250;sni. &#8216;Si, Sizi 'ust'ah. Si 'usilh'en dzuh nus&#237;lhdzut. 16'Et whunts'ih didinyih 'ink'ez sinyin, njan nyunalhts'et ha&#237;ya suba 'int'en nyutesilh ka. K'an dzin sa'en 'ink'ez 'udun chah nus de wh&#250;nyuntelhtun, 'et chah hubugha 'uyoon ndo bud&#243;ni. 17Lizwif 'ink'ez 'udun yun k'ut whut'en, 'en hubuts'un nyut&#233;lh'alh. Dzuh nunyotelhdzut 'et whunts'ih nla' test'ilh. 18Whebuntalhtun nts'e na'a tsah&#243;lhgus y&#225;hanahudutedulh 'ink'ez wh&#233;t'en nih&#250;tedulh 'ink'ez 'ants'ih hit&#225;'en li'huja t'eh Satan huboontun Yak'usda ts'un nah&#250;telyeh. 'En si huba 'alha' 'ust'ah huwa hubulubeshi ch'a hubuna'dutedoh 'ink'ez Yak'usda ba 'udun nibuninla hubutah 'et hubugha &#243;otelts'ulh,&#8217; s&#250;lhni.</div><div class="s">Paul dude 'ut'en k'ah huwu yalhtuk</div><div class="p"> 19&#8220;Et huwa, hubudayi cho Agrippa, njan ndus de kwun deznukw 'ink'ez oozalhts'a 'aw 'uts'un cha'd&#250;snil. 20'Udechoo Damascus 'et 'ink'ez Jerusalem chah 'et hukw'elh'az Lizwif hubuyun k'ut ndulhcho hoh, 'udun yun k'ut whut'en hubutah chah, lubeshi whuch'a bubeni nahodunooleh huba' hoont'ah 'ink'ez Yak'usda ts'un nah&#243;olyeh 'ink'ez hubudzi n&#225;hundunezdla chah, whuz na'a zeh ne'h&#243;ot'en, hubud&#250;sni. 21'Et njan huwa luglez whucho 'ust'en hoh Lizwif suh&#237;lhchoot 'ink'ez sazoolhghelh hukwa' hut'en. 22'Et hoh da k'an dzin whuts'un Yak'usda sla '&#250;t'en. 'Ink'ez k'an njan nuhbut s&#237;yin ts'iyannah d&#243;osni ka, tehul'en 'ink'ez hud&#233;zti chah. 'Et daja dusni, Yak'usda be nus wh&#250;nilh'en 'ink'ez Moses chah da&#243;otenilh hutni, 'et zeh 'uwhud&#250;sni. 23Christ 'en dzuh nutezut 'ud&#233;choo dune utenilh, dat&#233;tsah, 'ink'ez 'ilhuz dinadut&#233;dalh. 'Et huwa Lizwif 'ink'ez 'udun yun k'ut whut'en, 'en hububa be wh&#233;t'en teleh.&#8221; 24'Et Paul whuz na'a ndutni hoh, 'et Festus y&#250;lh yed&#250;dulh, &#8220;Paul nyeni hoolel! 'O nus hodil'eh k'et, nyeni hoolah suli!&#8221; 25'Et Paul 'utni, &#8220;Festus dezti 'aw seni hoolah ilah, ndi khunek be y&#225;lhtuk, 'i khunek 'alha' 'int'ah, 'i 'int'ah 'ink'ez ts'ah'un na'a 'udusni. 26Hubudayi cho Agrippa soo ts'et whucho 'un yud&#250;sni, nyunch'oh chah soo t'&#233;ooninzun hoonliyaz nts'oh tune'whust'en. 'Alha ndunuszun 'aw hoonliyaz nch'a ilah t&#250;ne'whust'en ho' hoont'ah. 27Hubudayi cho Agrippa, Yak'usda be nus wh&#250;nilh'en khunek hik'une'uzguz, 'i mba '&#225;lha' utni ih? T'&#233;oon&#250;szun mba '&#225;lha' whutni.&#8221; 28'Et Agrippa, Paul 'uy&#250;lhni, &#8220;K'an 'astl'iyaz 'et 'ankw'us Sizi Gri yuneyalh suz&#237;lhtsi.&#8221; 29'Et Paul 'utni, &#8220;Dahooldukw k'us dawhuldzah nyun chah 'ink'ez ndunnah soo hoozelhts'ai ts'iyawh sundult'ah uncha nuszun hoh nuhwhuba tenadusdli. Ndi tes tl'ool be sulhghel, 'i zeh nuhwhuba buka cha'n&#250;szun.&#8221; 30'Aw 'et hubudayi cho, 'ink'ez yun k'ut moodih, 'ink'ez Bernice, 'ink'ez 'uyoon chah ts'iyawh din&#225;hudidel, 31'et when&#225;hedel hukw'elh'az 'ulh&#243;dutni, &#8220;Ndun dune 'aw hoonli hukw'elha datetsah k'us tsak'eteda cha'&#237;nil.&#8221; 32'Ink'ez Agrippa, Festus 'uyulhni, &#8220;Ndun dune Rome whut'en hubudayi cho degha nus dezti yubut wuyin hukwa cha'd&#237;nel t'eh, 'uda da bulanazdootnih inle.&#8221;</div>
 </div>
 </div>
</div>

'Et Agrippa, Paul yúlhni, “Duba yanataltuk 'et ngha ooní'ai.” Paul didilnik 'ink'ez duba yanawhéniltuk hoh ndutni, “Hubudayi cho Agrippa, Lizwif lhat sk'ehúhoonla hubugha, sich'oh mbut duba yanatelhútuk. K'an dzin sugha ooní'ai, 'et huwa tube suba hóolya nuszun. 'Et njan 'alha' hoont'ah nyunch'oh soo t'eóoninzun nts'e na'a Lizwif duk'ah ts'ih dune hinli 'ink'ez lhtah 'uhudutni hoh chah, 'et huwa soo cho soo zélhts'ai nts'u húkwa' dusni. Nusol da whuts'un nts'e na'a yinkak sída Lizwif ts'iyawh t'éhonínzun soo 'udéchoo whuts'un sich'oh skeyah 'ink'ez Jerusalem chah hoh zeh dune usdli 'et t'éhonínzun. 'Udechoo whuts'un soo degha nus duluglez hukw'un né'ut'en, Pharisee, 'en hubulh desdowh 'et t'éhonínzun, 'et huwa hukwa' huninzun t'eh 'et da sla'hudootni wule. Ndai Yak'usda netsuh whudelhdzulh hubuts'ú yoozi, 'i si chah buká tsih hóosdli, 'et huwa k'an njan ootélhdzih ka mbut síyin. 'Et whuz na'a ndunnah lanezi 'o 'at nawh dédowh dune, 'en ndi khunek buts'ú yoosdzi hubugha ítelts'ulh, 'et hukwa tsih huhóoli, dzin 'ink'ez 'ulh'ek 'i bulh Yak'usda ts'un téni' 'uhunilhzun whutah. 'Et hubudayi cho Agrippa, ndet ndunnah Lizwif, hukwa tsih huhóoli, si chah hukwa tsih hóosdli. 'Ink'ez 'et hukwa sk'ehúhoo'ai. 'Et ndet huwa nuhwhuba 'alha 'uhot'e ghaít'ah njan Yak'usda dune yaidla dinabudile hubugha? Ndun Sizi, Nazareth whut'en, ts'iyaitsuk hoh buch'a doosni nuszun ínle. Jerusalem 'et ndust'en inle, náwhulnuk degha nus hudézti stl'ahahó'ai hoh lhanah dune Yak'usda bube'ildzun, 'en tsak'ebesdla 'ink'ez yahutédlah wheni huba nahesda hoh, si chah buch'a désni. Si 'udusni huwa luglez totsuk dune dzuh nobuhulhdeh Sizi Gri hich'a naóol'ah hukwa' bulh'en. Whuz tube hubulh húnlhuch'e k'et nilhdza keyah whunts'ih nobunusya dzuh nobutelhzut ka.”

“Njan 'et wheni náwhulnuk degha nus whudézti stl'ahuho'ai 'et Damascus ts'ih teya. 'Ink'ez hubudayi cho Agrippa, dzetniz bat'en 'et ti ts'edulh hoh kwun ndult'ah, 'i sa degha nus 'ultus, 'i dune sulh hédulh bulh nenat núdeznat. 'Et ts'iyawh yun nats'ánkat hoh Hebrew bughunek k'una'a sulh yáztelhtuk hoh nduwhútni, ‘Saul, di ka 'int'en, dzuh nusílhdzut? Ndun tulsus nule 'aw buk'únucha'zint'en t'eh, nyunch'oh zeh dzuh nuná'dudutaldzut,’ súlhni. 'Et oodulhkut, ‘Moodihti ndan inli?’ dúsni. ‘Si, Sizi 'ust'ah. Si 'usilh'en dzuh nusílhdzut. 'Et whunts'ih didinyih 'ink'ez sinyin, njan nyunalhts'et haíya suba 'int'en nyutesilh ka. K'an dzin sa'en 'ink'ez 'udun chah nus de whúnyuntelhtun, 'et chah hubugha 'uyoon ndo budóni. Lizwif 'ink'ez 'udun yun k'ut whut'en, 'en hubuts'un nyutélh'alh. Dzuh nunyotelhdzut 'et whunts'ih nla' test'ilh. Whebuntalhtun nts'e na'a tsahólhgus yáhanahudutedulh 'ink'ez whét'en nihútedulh 'ink'ez 'ants'ih hitá'en li'huja t'eh Satan huboontun Yak'usda ts'un nahútelyeh. 'En si huba 'alha' 'ust'ah huwa hubulubeshi ch'a hubuna'dutedoh 'ink'ez Yak'usda ba 'udun nibuninla hubutah 'et hubugha óotelts'ulh,’ súlhni.

“Et huwa, hubudayi cho Agrippa, njan ndus de kwun deznukw 'ink'ez oozalhts'a 'aw 'uts'un cha'dúsnil. 'Udechoo Damascus 'et 'ink'ez Jerusalem chah 'et hukw'elh'az Lizwif hubuyun k'ut ndulhcho hoh, 'udun yun k'ut whut'en hubutah chah, lubeshi whuch'a bubeni nahodunooleh huba' hoont'ah 'ink'ez Yak'usda ts'un nahóolyeh 'ink'ez hubudzi náhundunezdla chah, whuz na'a zeh ne'hóot'en, hubudúsni. 'Et njan huwa luglez whucho 'ust'en hoh Lizwif suhílhchoot 'ink'ez sazoolhghelh hukwa' hut'en. 'Et hoh da k'an dzin whuts'un Yak'usda sla 'út'en. 'Ink'ez k'an njan nuhbut síyin ts'iyannah dóosni ka, tehul'en 'ink'ez hudézti chah. 'Et daja dusni, Yak'usda be nus whúnilh'en 'ink'ez Moses chah daóotenilh hutni, 'et zeh 'uwhudúsni. Christ 'en dzuh nutezut 'udéchoo dune utenilh, datétsah, 'ink'ez 'ilhuz dinadutédalh. 'Et huwa Lizwif 'ink'ez 'udun yun k'ut whut'en, 'en hububa be whét'en teleh.” 'Et Paul whuz na'a ndutni hoh, 'et Festus yúlh yedúdulh, “Paul nyeni hoolel! 'O nus hodil'eh k'et, nyeni hoolah suli!” 'Et Paul 'utni, “Festus dezti 'aw seni hoolah ilah, ndi khunek be yálhtuk, 'i khunek 'alha' 'int'ah, 'i 'int'ah 'ink'ez ts'ah'un na'a 'udusni. Hubudayi cho Agrippa soo ts'et whucho 'un yudúsni, nyunch'oh chah soo t'éooninzun hoonliyaz nts'oh tune'whust'en. 'Alha ndunuszun 'aw hoonliyaz nch'a ilah túne'whust'en ho' hoont'ah. Hubudayi cho Agrippa, Yak'usda be nus whúnilh'en khunek hik'une'uzguz, 'i mba 'álha' utni ih? T'éoonúszun mba 'álha' whutni.” 'Et Agrippa, Paul 'uyúlhni, “K'an 'astl'iyaz 'et 'ankw'us Sizi Gri yuneyalh suzílhtsi.” 'Et Paul 'utni, “Dahooldukw k'us dawhuldzah nyun chah 'ink'ez ndunnah soo hoozelhts'ai ts'iyawh sundult'ah uncha nuszun hoh nuhwhuba tenadusdli. Ndi tes tl'ool be sulhghel, 'i zeh nuhwhuba buka cha'núszun.” 'Aw 'et hubudayi cho, 'ink'ez yun k'ut moodih, 'ink'ez Bernice, 'ink'ez 'uyoon chah ts'iyawh dináhudidel, 'et whenáhedel hukw'elh'az 'ulhódutni, “Ndun dune 'aw hoonli hukw'elha datetsah k'us tsak'eteda cha'ínil.” 'Ink'ez Agrippa, Festus 'uyulhni, “Ndun dune Rome whut'en hubudayi cho degha nus dezti yubut wuyin hukwa cha'dínel t'eh, 'uda da bulanazdootnih inle.”

Escucha a Acts 26