NIGIMIA 1
1
Guangon toojo ri Nigimia Jirusalim
1Gitio noyo pambalaan ri Nigimia anak ri Gakalia intor ra atan ondo' binaal nano.
Paat ra sila' Kisliw, bilor karuo ngoopor ra pamarintaan ri Artasasta koson ra raja' ru Pirsia, aku, i Nigimia soroi giu' ra Susan, pusor bandar ru pamarintaan. 2Paat raginio, pabukat kuno i Ganani, nakasaboi intor ra Jiuda nababaya' ra kukula' ngaulun ra bokon. Nangkuot aku risilo intor ra babaal giu' ra Jirusalim am intor ra gino ngai' ru ulun ru Jaudi ondo' siminaguli' noyo intor ra namatiran giu' ra Babilonia. 3Nantunung ilo ra ulun ragili ondo' pinatiran ondo' siminaguli' noyo ra pamagunan galama', raino naayag ra naimbolo' am inasaban ru bansa'-bansa' ra bokon ondo' minayan giu' ra paginggaar nilo. Inambai poyo ra timbok ru Jirusalim lakat poyo nangalunsai, am kulobon-kulobon garabang nano kalo poyo pinuna' intor ra nosolob ragili. 4Pokorongog aku ra ngaangai' no, panturung aku am pantangi'.
Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno', 5“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno. 6Ilai' aku, iou Tuhan, am rongogo' pakiasian kutu, tatanga' aku makiasi' orou am rondom koson ra bala ru ulipon-ulipon muno, ulun ru Israil. Mangiou aku ra akai ti, ulun ru Israil, makatula noyo. Kinamatuaan kuli am aku makatula noyo. 7Natulaan akai toojo Rirun, am kalo nambaal ra susuban Muno. Kalo giminagaya' akai ra ukum ondo' tinaakan Muno ondo' pinabala' galing ri Musa, ulipon Muli. 8 Iou Tuhan, karaa' noyo ragu Muno ri Musa ragili, ‘Amon ru akau, ulun ru Israil, kalo gumagaya' Raki', pantutuliaron Takamin ra bansa'-bansa' ra bokon. 9 Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’
10Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo. 11Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.”
Paat raginio, aku ti mampasulung ra inumon ru raja'.
Currently Selected:
NIGIMIA 1: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.