NIGIMIA 13
13
Siminuai Israil intor ra ulun bansa' ra bokon
1 Bulintok ra Taurat ri Musa binasa' ra mamagun, norongog nilo ra ulun ru Amon am Moab kalo iowon mongoi amung ra ulun ri Aki Kapuuno'. 2 Baal no koon raginio paat ra ulun ru Israil ralalom pangkiralanan intor ra Misir, bansa' ru Amon am Moab marara' mangani' risilo ra akanon am inumon. Gili boo ginajian nilo i Biliam maa' raginio magulas ra bansa' ru Israil kaa' i Aki Kapuuno' takau nangulau ra ulas no nasauk ra barakat. 3Pokorongog ulun ru Israil ra tayar ru Taurat no binasa', pinasuai nilo ngaangai' bansa' ra bokon intor risilo.
Panalimbaguan ondo' binaal ri Nigimia
4Imam Ilyasib ondo' inanian ra kandoi magalung ra intok-intok pambulian ra ulaan no nabuoi noyo makapabukatan moonsoi ri Tobia. 5Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan. 6Liliwa' baal raginio nasauk, kalio aku giu' ra Jirusalim sabap paat ra bilor katalu ngoopor am ruo ra pamarintaan ri Artasasta, raja' ru Babil, minongoi aku ra Babil koson mangani' ra pambalaan ra raja'. Kukula' buoi raiti bagu no nakaalap aku ra pangiawan intor ra raja' 7koson sumaguli' ra Jirusalim. Pakasaboi aku ra giu', naliangan aku paat nakapandai ra iniou noyo ri Ilyasib i Tobia mamakai ra rondo' lamin giu' ra ralalom Baloi ru Tuhan. 8Siminangit aku kaga' am pinapatir ku ngaangai' kuliamos longgom ri Tobia. 9Aku pana nanusub boo maa' raginio upacara pamasawan baalon tayar ru lamin-lamin no. Kopongo raginio nanusub aku ra ulun nampasaguli' ra ngaangai' kuliamos Baloi ru Tuhan, taak ra unor-unor am kaminyan ra lamin-lamin no.
10 Napandayan ku niayuk ulun-ulun mangkuli ra miujik am ulun ru Liwi nangiruan noyo ra Jirusalim am riminuli' ra umo nilo, sabap ra mamagun kalo nangukop ra pakuan ru kaayagan nilo. 11Nansawai aku ra pagawai-pagawai sabap ra nampalilian ra Baloi ru Tuhan. Piawo' ku boo ulun ru Liwi am ulun-ulun mangkuli ra miujik muli' ra Baloi ru Tuhan am nanusub risilo nangandoi saguli'. 12 Ngaangai' mamagun ru Israil pana nagibit boo saguli' ra taak sampiopor unor-unor, wain am umau jaitun ra Baloi ru Tuhan. 13Ulun ragitilo pinangandoi ku koson magalung ra intok-intok pambulian ra ulaan no: i Silimia, sangulun imam; i Jadok, sangulun mapandai kaga' ra Ukum ri Musa; i Pidaya, sangulun Liwi. I Ganan anak ri Jakur, akupu ri Matanya no am mangindangan risilo. Mangintopot aku ra ilo no maintopot koson mantayar ra kuliamos-kuliamos raginio ra gino ngai' ru ulun mangandoi mabaya' ra guang mabanis.
14Iou Aki Kapuuno', karaa' noyo ngaangai' ondo' binaal kuno ra tayar Baloi ru Tuhan am sambayang ra giu' no.
15 Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat. 16Kukula' ngaulun intor ra Tirus ondo' minayan giu' ra Jirusalim nagibit ra papait am mansalinut kuliamos ra Jirusalim, am tinalan nilo ra ulun ru Jaudi paat ra orou Sabat. 17Nansawai aku ra tingganai-tingganai ru Jaudi. Indagu aku, “Ilai' binaal min ra malaat no! Jinamalan min orou Sabat. 18Ginio sabap no ri Aki Kapuuno' nangukum ra kinamatuaan takali ragili am namuso ra bandar ti. Raino akau nangkinibit ri Aki Kapuuno' siminangit poyo ra Israil ra jinamol orou Sabat!”
19Ginio boo ra nanusub aku maa' raginio kulobon garabang ru bandar angabin paat ra tumalimpuun ra moonong orou Sabat, iono kokotolop ayuk ru mato ru orou, am kulobon no kalo ukabin saboi ra maampus orou Sabat. Pinangandoi ku kukula' ngaulun ra ulun kuno giu' ra kulobon-kulobon garabang no koson magalung maa' raginio kolondo' kuliamos talanon ibiton mumpos ra ralalom ru bandar paat ra orou Sabat. 20Igondo' kapoam induo ulun-ulun mantatalan ondo' mantalan ra kuliamos nombolong giu' ra liwar ru timbok ru bandar. 21Pinakara' ku ilo, “Kolondo' onong min masuaban maginaa ra giu' no. Amon ru baalon min poyo baal raginio, moporos timbalos kuno ramuyun.” Intor raginio kalo boo minatong ilo paat ra orou Sabat. 22Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat.
Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.
23 Paat raginio nakito ku niayuk masuang ungkuyon ru Jaudi ondo' nagandu' noyo ra ruandu' ru bansa' ru Asdod, Amon am Moab. 24Santayaran ra anak nilo mindagu ra ragu ru Asdod kapoam ragu ra bokon, kaa' kalo mapandai ilo mindagu ra ragu mai. 25Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon. 26 Indagu aku risilo, “Ruandu' bansa' ra bokon noyo ondo' nangkinibit ra Raja' Salomo makatula. Raja' Salomo nakatabual poyo inggalan intor ra raja'-raja' ra bansa' ra bokon. Motogom i Aki Kapuuno' riso am nampasauk riso ra raja' ru titikop ru Israil. Kabalu' pana koon raginio, makatula io sabap ra inambi' ru ruandu' bansa' ra bokon. 27Mapara' kia laat ru binaal mino! Baani kau manggal ri Aki Kapuuno' ra nagagandu' ra ruandu' bansa' ra bokon!”
28 I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.
29Iou Aki Kapuuno', karaa' noyo ati kulaan ngaangai' ulun no nampajamol ra kandoi ru imam am nabantuan ondo' binaal Muno ra imam-imam am ulun ru Liwi.
30Koon raginio noyo aku nampapasau ra bansa' ru Israil intor ra ngaangai' pangimayaan ra suai. Nangaru' aku no ra aturan ra tayar ru imam-imam am ulun ru Liwi maa' raginio sigagama' makapandai ra kandoi nano. 31Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak.
Iou Aki Kapuuno', karaa' noyo ngaangai' baal ragitio, am barakato' noyo aku.
Currently Selected:
NIGIMIA 13: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
NIGIMIA 13
13
Siminuai Israil intor ra ulun bansa' ra bokon
1 Bulintok ra Taurat ri Musa binasa' ra mamagun, norongog nilo ra ulun ru Amon am Moab kalo iowon mongoi amung ra ulun ri Aki Kapuuno'. 2 Baal no koon raginio paat ra ulun ru Israil ralalom pangkiralanan intor ra Misir, bansa' ru Amon am Moab marara' mangani' risilo ra akanon am inumon. Gili boo ginajian nilo i Biliam maa' raginio magulas ra bansa' ru Israil kaa' i Aki Kapuuno' takau nangulau ra ulas no nasauk ra barakat. 3Pokorongog ulun ru Israil ra tayar ru Taurat no binasa', pinasuai nilo ngaangai' bansa' ra bokon intor risilo.
Panalimbaguan ondo' binaal ri Nigimia
4Imam Ilyasib ondo' inanian ra kandoi magalung ra intok-intok pambulian ra ulaan no nabuoi noyo makapabukatan moonsoi ri Tobia. 5Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan. 6Liliwa' baal raginio nasauk, kalio aku giu' ra Jirusalim sabap paat ra bilor katalu ngoopor am ruo ra pamarintaan ri Artasasta, raja' ru Babil, minongoi aku ra Babil koson mangani' ra pambalaan ra raja'. Kukula' buoi raiti bagu no nakaalap aku ra pangiawan intor ra raja' 7koson sumaguli' ra Jirusalim. Pakasaboi aku ra giu', naliangan aku paat nakapandai ra iniou noyo ri Ilyasib i Tobia mamakai ra rondo' lamin giu' ra ralalom Baloi ru Tuhan. 8Siminangit aku kaga' am pinapatir ku ngaangai' kuliamos longgom ri Tobia. 9Aku pana nanusub boo maa' raginio upacara pamasawan baalon tayar ru lamin-lamin no. Kopongo raginio nanusub aku ra ulun nampasaguli' ra ngaangai' kuliamos Baloi ru Tuhan, taak ra unor-unor am kaminyan ra lamin-lamin no.
10 Napandayan ku niayuk ulun-ulun mangkuli ra miujik am ulun ru Liwi nangiruan noyo ra Jirusalim am riminuli' ra umo nilo, sabap ra mamagun kalo nangukop ra pakuan ru kaayagan nilo. 11Nansawai aku ra pagawai-pagawai sabap ra nampalilian ra Baloi ru Tuhan. Piawo' ku boo ulun ru Liwi am ulun-ulun mangkuli ra miujik muli' ra Baloi ru Tuhan am nanusub risilo nangandoi saguli'. 12 Ngaangai' mamagun ru Israil pana nagibit boo saguli' ra taak sampiopor unor-unor, wain am umau jaitun ra Baloi ru Tuhan. 13Ulun ragitilo pinangandoi ku koson magalung ra intok-intok pambulian ra ulaan no: i Silimia, sangulun imam; i Jadok, sangulun mapandai kaga' ra Ukum ri Musa; i Pidaya, sangulun Liwi. I Ganan anak ri Jakur, akupu ri Matanya no am mangindangan risilo. Mangintopot aku ra ilo no maintopot koson mantayar ra kuliamos-kuliamos raginio ra gino ngai' ru ulun mangandoi mabaya' ra guang mabanis.
14Iou Aki Kapuuno', karaa' noyo ngaangai' ondo' binaal kuno ra tayar Baloi ru Tuhan am sambayang ra giu' no.
15 Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat. 16Kukula' ngaulun intor ra Tirus ondo' minayan giu' ra Jirusalim nagibit ra papait am mansalinut kuliamos ra Jirusalim, am tinalan nilo ra ulun ru Jaudi paat ra orou Sabat. 17Nansawai aku ra tingganai-tingganai ru Jaudi. Indagu aku, “Ilai' binaal min ra malaat no! Jinamalan min orou Sabat. 18Ginio sabap no ri Aki Kapuuno' nangukum ra kinamatuaan takali ragili am namuso ra bandar ti. Raino akau nangkinibit ri Aki Kapuuno' siminangit poyo ra Israil ra jinamol orou Sabat!”
19Ginio boo ra nanusub aku maa' raginio kulobon garabang ru bandar angabin paat ra tumalimpuun ra moonong orou Sabat, iono kokotolop ayuk ru mato ru orou, am kulobon no kalo ukabin saboi ra maampus orou Sabat. Pinangandoi ku kukula' ngaulun ra ulun kuno giu' ra kulobon-kulobon garabang no koson magalung maa' raginio kolondo' kuliamos talanon ibiton mumpos ra ralalom ru bandar paat ra orou Sabat. 20Igondo' kapoam induo ulun-ulun mantatalan ondo' mantalan ra kuliamos nombolong giu' ra liwar ru timbok ru bandar. 21Pinakara' ku ilo, “Kolondo' onong min masuaban maginaa ra giu' no. Amon ru baalon min poyo baal raginio, moporos timbalos kuno ramuyun.” Intor raginio kalo boo minatong ilo paat ra orou Sabat. 22Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat.
Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.
23 Paat raginio nakito ku niayuk masuang ungkuyon ru Jaudi ondo' nagandu' noyo ra ruandu' ru bansa' ru Asdod, Amon am Moab. 24Santayaran ra anak nilo mindagu ra ragu ru Asdod kapoam ragu ra bokon, kaa' kalo mapandai ilo mindagu ra ragu mai. 25Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon. 26 Indagu aku risilo, “Ruandu' bansa' ra bokon noyo ondo' nangkinibit ra Raja' Salomo makatula. Raja' Salomo nakatabual poyo inggalan intor ra raja'-raja' ra bansa' ra bokon. Motogom i Aki Kapuuno' riso am nampasauk riso ra raja' ru titikop ru Israil. Kabalu' pana koon raginio, makatula io sabap ra inambi' ru ruandu' bansa' ra bokon. 27Mapara' kia laat ru binaal mino! Baani kau manggal ri Aki Kapuuno' ra nagagandu' ra ruandu' bansa' ra bokon!”
28 I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.
29Iou Aki Kapuuno', karaa' noyo ati kulaan ngaangai' ulun no nampajamol ra kandoi ru imam am nabantuan ondo' binaal Muno ra imam-imam am ulun ru Liwi.
30Koon raginio noyo aku nampapasau ra bansa' ru Israil intor ra ngaangai' pangimayaan ra suai. Nangaru' aku no ra aturan ra tayar ru imam-imam am ulun ru Liwi maa' raginio sigagama' makapandai ra kandoi nano. 31Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak.
Iou Aki Kapuuno', karaa' noyo ngaangai' baal ragitio, am barakato' noyo aku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.