LUKAS 17
17
Mangkinibit ra makatula
(Mat. 18:6-7, 21-22; Mrk. 9:42)
1Indagu i Jisus ra maamaya' Nano, “Maaru' mokoondo' niayuk pangkinaman saboi ulun mambaal ra tula pana kaa' aibui boo ra ulun ondo' mangkinibit ra tula ti! 2Moonsoi poyo amon ru pobongkoson batu maayo no ra liog nano, am papatiron io ra raat, kalo boo mangkinibit io ra ulun ondo' malawo pangintapatan makatula. 3 Ilalai' min!
Amon ru makatula pabukat muno, sawayo' io. Amon ru tumalikur io, ampuno' noyo io. 4Amon ru intulu' io makatula rirun ralalom songorou no am moonong io matong rirun am mindagu, ‘Makiampun aku toojo,’ ampuno' noyo io.”
Baal ru pangintapatan
5Indagu rasul-rasul ri Jisus, “Tuhan, iroto' pangintapatan mai ti.”
6Taam i Jisus, “Amon ru mokoondo' kau sanganu ayuk pangintapatan koson ra gayo ru unor ru mustard pana, bagu makaindagu kau ra puun ru ara ti, ‘Kabubul no am pakatanom giu' ra raat!’, io pana gumagaya' ra susuban muno.”
Kandoi ru sangulun ulipon
7“Amon ru mokoondo' ramuyun sangulun ulipon ondo' mamparagus kapoam magalung ra domba, mindagu kau kia riso ra io minuli' intor ra umo, ‘Ibok no, ribaki' mangakan?’ 8Maaru' kalo! Kaa' mindagu kou riso ra, ‘Pongoono' akanon kuno, ralin no, am sulungin mu aku ra akanon am inumon; mopongo raginio okou bagu mangakan.’ 9Sangulun ulipon kalo pana omporon ra io gumagaya' ra susuban ru tuan nano. 10Koson niayuk ramuyun; amon ru nabaal min noyo ngaangai' nanusuban, raguo' min, ‘Akai ti ulipon ayuk, nambaal akai ayuk ra kandoi maili.’ ”
Namabas i Jisus ra mopor ngaulun makamaruol ra kungkung ondo' maaja'
11Paat ri Jisus nangkiralan minongoi ra Jirusalim, minaya' Io ra lolot ru pagun ru Samaria am Galilia. 12Tatanga' Io sumubol ra rondo' pamagunan, natuum Io ru mopor ngaulun makamaruol ra kungkung ondo' maaja'. Minigor ilo intor ra maalur 13am golok, “Jisus! Tuan! Pakaasi' no ramon!”
14 Kakito ilo ri Jisus, indagu Io, “Ongoi kano ra imam Jaudi am polosoo' io mangiou ra akau nababas noyo.”
Liliwa' ilo nangkiralan i, nababas ilo. 15Katutuni' ru sangulun intor risilo i ra nababas io, saguli' io liliwa' nongongompor ri Aki Kapuuno' ra bolos mosongou. 16Igulatur io ra tuma' ru kalayam ri Jisus am naringkuanang io. Ulun io ru Samaria. 17Indagu i Jisus, “Sala' ka kia mopor ngaulun binabas i? Ati boo siam ngaulun i? 18Kua ulun bansa' ru bokon ti ayuk siminaguli' mongompor ri Aki Kapuuno'?” 19Indagu boo i Jisus ra ulun no, “Sukal no, am ugar no; pangintapatan muno namabas rirun.”
Ratangan ru pamarintaan ri Aki Kapuuno'
(Mat. 24:23-28, 37-41)
20Pangkuot kukula' ngaulun ru Parisi ri Jisus sanggilan i Aki Kapuuno' matong mamarinta. Taam i Jisus, “Kolondo' tatandu' makito ra pamarintaan ri Aki Kapuuno' no matong. 21Kolondo' sangulun pana makaindagu, ‘Ilai', gitio io!’ kapoam ‘Ginio, giu' no!’ Sotopot no timinalimpuun noyo i Aki Kapuuno' mamarinta ramuyun.”
22Kopongo ragili indagu i Jisus ra maamaya' Nano, “Masuku' paat ra akau moogot makakito ra orou ru Anak ru Ulun, kaa' kalo makakito kau. 23Mokoondo' mindagu ramuyun, ‘Ilai', giu' io no!’ kapoam ‘Ilai', giti io no!’ Pai' kau pagibaya'. 24Nogondo' koson ra ganit mainpiat giu' ra limbowon, masilau intor ra sirangon polos ra kalasaan, koson raginio niayuk ra orou ratangan ru Anak ru Ulun. 25Kaa' imboloon Io toojo galing am kalo apuon Io ru ulun ra raiti'. 26 Koson ra paat ru nabi Nuu ra galing i, koson niayuk raginio ra orou ru Anak ru Ulun: 27 Moonong ulun nagagakan am nagiginum ayuk; naguguot ilo saboi ra orou sinubalan ri Nuu ra kapal maayo no. Ratong boo rosob am naluus boo ngaangai' ulun ra bokon i. 28Koson niayuk ra paat ri Lot. Moonong ulun nagagakan am nagiginum, nantatalan am nambabali, nagitatanom am natatambaloi. 29 Kaa' kasuku' orou ri Lot ilo sambaloi nangiruan ra bandar Sodom, ratu' boo apui am balirang intor ra suruga' am naumpo ngaangai' ulun ru bandar i. 30Koson niayuk raginio orou ru Anak ru Ulun paintalangon.
31 Paat orou raginio, ulun ondo' soroi ra tampak ru baloi nano, pai' noyo subol mongoi pangalap ra kuliamos. Koson niayuk ra ulun ondo' soroi giu' ra umo, pai' saguli' ra baloi. 32 Karaa' atan ondo' nasauk ra andu' ri Lot! 33 Osoi ayuk kalo masaga' mampataak ra kaayagan no, io no matatakan ra kaayagan ondo' motopot; kaa' osoi ayuk mampataak ra kaayagan no makaalap ra kaayagan ondo' motopot.” 34Mindagu Aku ramuyun, paat ra rondom raginio, ruo ngaulun narulug nombolong ra rondo' pambalangan; sangulun ibiton am sangulun tatangon. 35Ruo ngaulun ruandu' manginsar ra gandum; sangulun ibiton am sangulun tatangon.” [36Ruo ngaulun ungkuyon mangandoi ra umo; sangulun ibiton am sangulun tatangon.]
37Pangkuot maamaya' ri Jisus no Riso, “Ati, Tuhan?”
Taam i Jisus risilo, “Ati mokoondo' ra baangkai, giu' no timungan ru susuit mangakan ra baangkai.”
Currently Selected:
LUKAS 17: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
LUKAS 17
17
Mangkinibit ra makatula
(Mat. 18:6-7, 21-22; Mrk. 9:42)
1Indagu i Jisus ra maamaya' Nano, “Maaru' mokoondo' niayuk pangkinaman saboi ulun mambaal ra tula pana kaa' aibui boo ra ulun ondo' mangkinibit ra tula ti! 2Moonsoi poyo amon ru pobongkoson batu maayo no ra liog nano, am papatiron io ra raat, kalo boo mangkinibit io ra ulun ondo' malawo pangintapatan makatula. 3 Ilalai' min!
Amon ru makatula pabukat muno, sawayo' io. Amon ru tumalikur io, ampuno' noyo io. 4Amon ru intulu' io makatula rirun ralalom songorou no am moonong io matong rirun am mindagu, ‘Makiampun aku toojo,’ ampuno' noyo io.”
Baal ru pangintapatan
5Indagu rasul-rasul ri Jisus, “Tuhan, iroto' pangintapatan mai ti.”
6Taam i Jisus, “Amon ru mokoondo' kau sanganu ayuk pangintapatan koson ra gayo ru unor ru mustard pana, bagu makaindagu kau ra puun ru ara ti, ‘Kabubul no am pakatanom giu' ra raat!’, io pana gumagaya' ra susuban muno.”
Kandoi ru sangulun ulipon
7“Amon ru mokoondo' ramuyun sangulun ulipon ondo' mamparagus kapoam magalung ra domba, mindagu kau kia riso ra io minuli' intor ra umo, ‘Ibok no, ribaki' mangakan?’ 8Maaru' kalo! Kaa' mindagu kou riso ra, ‘Pongoono' akanon kuno, ralin no, am sulungin mu aku ra akanon am inumon; mopongo raginio okou bagu mangakan.’ 9Sangulun ulipon kalo pana omporon ra io gumagaya' ra susuban ru tuan nano. 10Koson niayuk ramuyun; amon ru nabaal min noyo ngaangai' nanusuban, raguo' min, ‘Akai ti ulipon ayuk, nambaal akai ayuk ra kandoi maili.’ ”
Namabas i Jisus ra mopor ngaulun makamaruol ra kungkung ondo' maaja'
11Paat ri Jisus nangkiralan minongoi ra Jirusalim, minaya' Io ra lolot ru pagun ru Samaria am Galilia. 12Tatanga' Io sumubol ra rondo' pamagunan, natuum Io ru mopor ngaulun makamaruol ra kungkung ondo' maaja'. Minigor ilo intor ra maalur 13am golok, “Jisus! Tuan! Pakaasi' no ramon!”
14 Kakito ilo ri Jisus, indagu Io, “Ongoi kano ra imam Jaudi am polosoo' io mangiou ra akau nababas noyo.”
Liliwa' ilo nangkiralan i, nababas ilo. 15Katutuni' ru sangulun intor risilo i ra nababas io, saguli' io liliwa' nongongompor ri Aki Kapuuno' ra bolos mosongou. 16Igulatur io ra tuma' ru kalayam ri Jisus am naringkuanang io. Ulun io ru Samaria. 17Indagu i Jisus, “Sala' ka kia mopor ngaulun binabas i? Ati boo siam ngaulun i? 18Kua ulun bansa' ru bokon ti ayuk siminaguli' mongompor ri Aki Kapuuno'?” 19Indagu boo i Jisus ra ulun no, “Sukal no, am ugar no; pangintapatan muno namabas rirun.”
Ratangan ru pamarintaan ri Aki Kapuuno'
(Mat. 24:23-28, 37-41)
20Pangkuot kukula' ngaulun ru Parisi ri Jisus sanggilan i Aki Kapuuno' matong mamarinta. Taam i Jisus, “Kolondo' tatandu' makito ra pamarintaan ri Aki Kapuuno' no matong. 21Kolondo' sangulun pana makaindagu, ‘Ilai', gitio io!’ kapoam ‘Ginio, giu' no!’ Sotopot no timinalimpuun noyo i Aki Kapuuno' mamarinta ramuyun.”
22Kopongo ragili indagu i Jisus ra maamaya' Nano, “Masuku' paat ra akau moogot makakito ra orou ru Anak ru Ulun, kaa' kalo makakito kau. 23Mokoondo' mindagu ramuyun, ‘Ilai', giu' io no!’ kapoam ‘Ilai', giti io no!’ Pai' kau pagibaya'. 24Nogondo' koson ra ganit mainpiat giu' ra limbowon, masilau intor ra sirangon polos ra kalasaan, koson raginio niayuk ra orou ratangan ru Anak ru Ulun. 25Kaa' imboloon Io toojo galing am kalo apuon Io ru ulun ra raiti'. 26 Koson ra paat ru nabi Nuu ra galing i, koson niayuk raginio ra orou ru Anak ru Ulun: 27 Moonong ulun nagagakan am nagiginum ayuk; naguguot ilo saboi ra orou sinubalan ri Nuu ra kapal maayo no. Ratong boo rosob am naluus boo ngaangai' ulun ra bokon i. 28Koson niayuk ra paat ri Lot. Moonong ulun nagagakan am nagiginum, nantatalan am nambabali, nagitatanom am natatambaloi. 29 Kaa' kasuku' orou ri Lot ilo sambaloi nangiruan ra bandar Sodom, ratu' boo apui am balirang intor ra suruga' am naumpo ngaangai' ulun ru bandar i. 30Koson niayuk raginio orou ru Anak ru Ulun paintalangon.
31 Paat orou raginio, ulun ondo' soroi ra tampak ru baloi nano, pai' noyo subol mongoi pangalap ra kuliamos. Koson niayuk ra ulun ondo' soroi giu' ra umo, pai' saguli' ra baloi. 32 Karaa' atan ondo' nasauk ra andu' ri Lot! 33 Osoi ayuk kalo masaga' mampataak ra kaayagan no, io no matatakan ra kaayagan ondo' motopot; kaa' osoi ayuk mampataak ra kaayagan no makaalap ra kaayagan ondo' motopot.” 34Mindagu Aku ramuyun, paat ra rondom raginio, ruo ngaulun narulug nombolong ra rondo' pambalangan; sangulun ibiton am sangulun tatangon. 35Ruo ngaulun ruandu' manginsar ra gandum; sangulun ibiton am sangulun tatangon.” [36Ruo ngaulun ungkuyon mangandoi ra umo; sangulun ibiton am sangulun tatangon.]
37Pangkuot maamaya' ri Jisus no Riso, “Ati, Tuhan?”
Taam i Jisus risilo, “Ati mokoondo' ra baangkai, giu' no timungan ru susuit mangakan ra baangkai.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.