LUKAS 15
15
Domba ra timinanggau
(Mat. 18:12-14)
1 Paat ra sangarawan, ulun mampalulur ra cukai am ulun ondo' karaan ra malaat minongoi pangkirongog ri Jisus. 2Tumalimpuun boo ulun-ulun ru Parisi am mangingila' ra ukum ri Musa mangalimut Riso, konilo, “Ilai', ulun ti mangapu ra ulun ondo' karaan ra malaat am niayuk gumulung risilo mangakan!” 3Ginio ra tunungo' ri Jisus abig ragitio risilo:
4“Amon ru sangulun intor ramuyun mokoondo' maatus ngainan domba am tumanggau sanginan i, atan baalon ru ulun no? Iruanin no siam ngoopor am siam ngainan no giu' ra pampakatapan, am mongoi paguyum ra sanginan i saboi matuum. 5Katuum no, naansukan io toojo am saanin no domba i 6am ibito' muli'. Mampiau io boo ra rangan am pasambalayan nano am pambala' risilo, ‘Pakaansuk kano mababaya' raki', sabap ra natuum ku noyo domba ra timinanggau i!’ 7Balain takamin: Koson niayuk giu' ra suruga' maansukan toojo sabap ra sangulun makatula tumalikur intor ra tula nano, intor ra siam ngoopor am siam ngaulun moonsoi ondo' kalo pana tumalikur intor ra tula.”
Ruit pirok ondo' natatak
8“Kapoam amon ru sangulun ruandu' mokoondo' mopor ngampila' ruit pirok am matatak sampila', atan baalon nano? Mansikit io ra lampung, alusin no baloi nano am uyumon no boo toojo saboi matuum. 9Katuum no, mampiau boo ruandu' no ra rangan am pasambalayan nano am mambala' io risilo, ‘Pakaansuk kano mababaya' raki' sabap ra natuum ku saguli' ruit ra natatak i!’ 10Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”
Anak ra timinanggau
11Tungguli' poyo ri Jisus ragu Nali, “Mokoondo' sangulun makaanak ra ungkuyon magaka'. 12Indagu boo pupusan i ra ama' nali, ‘Ama', pataaki' raki' raino tayar ku ra rapu' no.’ Tayaro' boo ru ama' i rapu' nali ra magaka' no. 13Kukula' ngoorou ragili, talano' ru pupusan i ngaangai' tayar nali am tanggau nababaya' ra ruit nali. Minongoi io ra rondo' pagun ondo' maalur toojo, am giu' i kalo boo naaru'-aru' pamakuan nano ra ruit nali am jajajou kaayagan nali. 14Nakai' ruit nali ra mataki'. Kasauk bitilan ra titikop pagun no, am io galama' kolondo' atan ayuk pana. 15Ginio ra nangandoi io ra sangulun mamagun ru giu' i. Sinusub io magalung ra bauwi giu' ra umo. 16Naitilan io kaga' saboi matiakan io kaga' ra papakan ru bauwi i, kaa' kolondo' sangulun pana mangani' riso ra akanon. 17Katutuni' no binaal nali, nampaguang io, ‘Ngaangai' mangngandoi ri ama' malabaan ra akanon, am aku ragiti matoi ayuk kalo ra bitil! 18Mongoi aku tuum ri ama' am mindagu riso: Ama', makatula aku ri Aki Kapuuno' am niayuk rirun. 19Kalo boo sama' sabiton aku ra anak muno. Karaa' aku ayuk koson ra mangngandoi rirun.’ 20Io pana minuli' ra ama' nali.
Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io. 21Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’ 22Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut. 23Alapo' min anak ru sapi' ondo' molomok am simbaluyo' min, munsag am pakaansuk takau. 24Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.
25Liliwa' ragili, anak nano ra katuaan nangandoi giu' ra umo. Paat io minuli' am maar nakasuku' ra baloi, norongog no titikas am sayau ru ulun. 26Piawo' no sangulun ulipon am kuati', ‘Atan kia posogolos no?’ 27Taam ulipon no, ‘Boborok muno siminaguli'! Nanimbalui ama' mino ra anak ru sapi' ondo' molomok, sabap ra naalap no saguli' anak nali am moonsoi io ayuk.’ 28Kaa' siminangit toojo anak ra katuaan i saboi marara' mumpos ra baloi i. Ingkual boo ama' i manimayo riso. 29Kaa' indagu io ra ama' nali, ‘Ilai', moonong bilor mangandoi aku rirun koson ra ulipon. Kalo igondo' aku anggal ra atan ayuk pana panusuban muno raki'. Kaa' atan pinambalos muno raki'? Kalo nakaili' kou nanimbalui ra sanginan kambing pana koson mampaakan ra rangan kuno! 30Kaa' anak mu ragitio ondo' nangai' ra ngaangai' rapu' muli ra ruandu' malaat no, paat io siminaguli', sinimbaluyan mu io ra sapi' ondo' moonsoi toojo!’ 31Taam ama' nali, ‘Anak ku, minayan kou nabaya' raki' ra baloi ti, am ngaangai' rapu' kuno, okou niayuk tatangan. 32Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”
Currently Selected:
LUKAS 15: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
LUKAS 15
15
Domba ra timinanggau
(Mat. 18:12-14)
1 Paat ra sangarawan, ulun mampalulur ra cukai am ulun ondo' karaan ra malaat minongoi pangkirongog ri Jisus. 2Tumalimpuun boo ulun-ulun ru Parisi am mangingila' ra ukum ri Musa mangalimut Riso, konilo, “Ilai', ulun ti mangapu ra ulun ondo' karaan ra malaat am niayuk gumulung risilo mangakan!” 3Ginio ra tunungo' ri Jisus abig ragitio risilo:
4“Amon ru sangulun intor ramuyun mokoondo' maatus ngainan domba am tumanggau sanginan i, atan baalon ru ulun no? Iruanin no siam ngoopor am siam ngainan no giu' ra pampakatapan, am mongoi paguyum ra sanginan i saboi matuum. 5Katuum no, naansukan io toojo am saanin no domba i 6am ibito' muli'. Mampiau io boo ra rangan am pasambalayan nano am pambala' risilo, ‘Pakaansuk kano mababaya' raki', sabap ra natuum ku noyo domba ra timinanggau i!’ 7Balain takamin: Koson niayuk giu' ra suruga' maansukan toojo sabap ra sangulun makatula tumalikur intor ra tula nano, intor ra siam ngoopor am siam ngaulun moonsoi ondo' kalo pana tumalikur intor ra tula.”
Ruit pirok ondo' natatak
8“Kapoam amon ru sangulun ruandu' mokoondo' mopor ngampila' ruit pirok am matatak sampila', atan baalon nano? Mansikit io ra lampung, alusin no baloi nano am uyumon no boo toojo saboi matuum. 9Katuum no, mampiau boo ruandu' no ra rangan am pasambalayan nano am mambala' io risilo, ‘Pakaansuk kano mababaya' raki' sabap ra natuum ku saguli' ruit ra natatak i!’ 10Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”
Anak ra timinanggau
11Tungguli' poyo ri Jisus ragu Nali, “Mokoondo' sangulun makaanak ra ungkuyon magaka'. 12Indagu boo pupusan i ra ama' nali, ‘Ama', pataaki' raki' raino tayar ku ra rapu' no.’ Tayaro' boo ru ama' i rapu' nali ra magaka' no. 13Kukula' ngoorou ragili, talano' ru pupusan i ngaangai' tayar nali am tanggau nababaya' ra ruit nali. Minongoi io ra rondo' pagun ondo' maalur toojo, am giu' i kalo boo naaru'-aru' pamakuan nano ra ruit nali am jajajou kaayagan nali. 14Nakai' ruit nali ra mataki'. Kasauk bitilan ra titikop pagun no, am io galama' kolondo' atan ayuk pana. 15Ginio ra nangandoi io ra sangulun mamagun ru giu' i. Sinusub io magalung ra bauwi giu' ra umo. 16Naitilan io kaga' saboi matiakan io kaga' ra papakan ru bauwi i, kaa' kolondo' sangulun pana mangani' riso ra akanon. 17Katutuni' no binaal nali, nampaguang io, ‘Ngaangai' mangngandoi ri ama' malabaan ra akanon, am aku ragiti matoi ayuk kalo ra bitil! 18Mongoi aku tuum ri ama' am mindagu riso: Ama', makatula aku ri Aki Kapuuno' am niayuk rirun. 19Kalo boo sama' sabiton aku ra anak muno. Karaa' aku ayuk koson ra mangngandoi rirun.’ 20Io pana minuli' ra ama' nali.
Lakat io ayuk poyo maalur ra baloi, nakito io noyo ru ama' nali. Makaasi' kaga' ama' nali saboi nasimbul uma' riso, ganggali' am alaki' no io. 21Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’ 22Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut. 23Alapo' min anak ru sapi' ondo' molomok am simbaluyo' min, munsag am pakaansuk takau. 24Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.
25Liliwa' ragili, anak nano ra katuaan nangandoi giu' ra umo. Paat io minuli' am maar nakasuku' ra baloi, norongog no titikas am sayau ru ulun. 26Piawo' no sangulun ulipon am kuati', ‘Atan kia posogolos no?’ 27Taam ulipon no, ‘Boborok muno siminaguli'! Nanimbalui ama' mino ra anak ru sapi' ondo' molomok, sabap ra naalap no saguli' anak nali am moonsoi io ayuk.’ 28Kaa' siminangit toojo anak ra katuaan i saboi marara' mumpos ra baloi i. Ingkual boo ama' i manimayo riso. 29Kaa' indagu io ra ama' nali, ‘Ilai', moonong bilor mangandoi aku rirun koson ra ulipon. Kalo igondo' aku anggal ra atan ayuk pana panusuban muno raki'. Kaa' atan pinambalos muno raki'? Kalo nakaili' kou nanimbalui ra sanginan kambing pana koson mampaakan ra rangan kuno! 30Kaa' anak mu ragitio ondo' nangai' ra ngaangai' rapu' muli ra ruandu' malaat no, paat io siminaguli', sinimbaluyan mu io ra sapi' ondo' moonsoi toojo!’ 31Taam ama' nali, ‘Anak ku, minayan kou nabaya' raki' ra baloi ti, am ngaangai' rapu' kuno, okou niayuk tatangan. 32Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.