LUKAS 11
11
Pangilaan ri Jisus intor ra makiasi'
(Mat. 6:9-13; 7:7-11)
1Paat ra sangarawan, nakiasi' i Jisus giu' ra rondo' intok. Kakai' nakiasi', indagu sangulun intor ra maamaya' Nano, “Tuhan, ilaa' akai makiasi' koson i Juanis nangila' ra maamaya' nano nakiasi'.”
2Indagu i Jisus risilo, “Pakiasi' kano ri Aki Kapuuno' koson ragitio,
‘Ama',
omporon inggalan Muno.
Gama' ru Okou mamarinta giti ra tana' ti.
3Anii' akai no ra akanon ra moonong orou.
4Ampuno' noyo tula mai
sabap ra akai pana mangampun ra moonong ulun ondo' makatula ramon.
Am palabuso' akai no ra pangkinaman.’ ”
5Pagabig i Jisus ra maamaya' Nano, “Amon ru sangulun intor ramuyun mongoi ra baloi ru rangan ra iotanga' rondom, am mindagu io, ‘Rangan, pairaa' aku talu ngampila' ruti', 6sabap ra mokoondo' sangulun rangan kuno ralalom pangkiralanan minapit ra baloi kuno am kolondo' akanon pasulungon kuno riso!’ 7Ati koson amon ru tumaam rangan muno intor ra ralalom, ‘Pai' pantipagon raki'! Inangaban ku noyo kulobon no. Aku am anak-anak kuti nombobolong noyo, boboon aku sumukal mangani' rirun ra atan ayuk pana.’ ” 8Indagu i Jisus, “Ati kulaan? Kabalu' pana marara' io sumukal mangani' ra kitaakon muno, sabap ra io rangan muno, sumukal io niayuk am mangani' rirun, sabap ra kalo mauyu' kou makikitaak. 9Ginio ra mambala' Aku ramuyun: Pakitaak kano am aniin kau; paguyum kano am makaalap kau; titiko' min kulobon no am ukabin kau. 10Sabap ra moonong ulun ondo' makitaak makaalap, ondo' maguyum makatuum am kulobon ukabin ra ulun ondo' manitik. 11Kalo noyo lair sangulun ama' mangani' ra anak nano ra kukuo amon ru papait kitaakon nano! 12Kapoam mangani' ra lingait amon ru makitaak io ra talu'! 13Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”
I Jisus am i Biiljibul
(Mat. 12:22-30; Mrk. 3:20-27)
14Paat ra sangarawan nampagiru' i Jisus ra riwato ondo' nompokobobou. Pakapagiru' riwato i, tumalimpuun ulun no mindagu. Nangimuag ngai' ulun. 15 Kaa' mokoondo' minindagu, “Makapampagiru' Io ra riwato sabap ra inanian Io ri Biiljibul, Tingganai ru ngaangai' riwato no, ra kuasa'.”
16 Mokoondo' ulun ra bokon i masaga' mangkinam ri Jisus. Susubo' nilo i Jisus mambaal ra kaimuagan koson tatandu' ra iniou Io ri Aki Kapuuno'. 17Kaa' napandayan ri Jisus atan guangon nilai. Indagu Io risilo, “Rondo' pagun ondo' nakapantutuliar sabap ra mansasangor ilo ra rondo' am bokon, maaru' mapuso. Sambaloi ondo' nansusuai sabap ra mansasangor ilo ra rondo' am bokon, maaru' mabintas. 18Amon ru natatayar pamarintaan ru Tingganai ru riwato no sabap ra mansasangor ilo ra rondo' am bokon, ati kulaan ilo tumaan? Mindagu kau nampagiru' Aku ra riwato sabap ra inanian Aku ri Biiljibul ra kuasa'. 19Koson poyo raginio, osoi ra kuasa' inalap ru maamaya' mino mampagiru' ra riwato? Ilo galama' mapaintutun ra akau noyo galama' kalo motopot! 20I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.
21Amon ru sangulun maikang ondo' makailang magalung ra baloi nano galama', ngaangai' kuliamos nano kalo matakou. 22Kaa' amon ru sangulun ondo' maikang poyo intor riso no, mongoi pakimansangor riso, maaru' kalo maanggal no. Gaawo' ru ulun no kinandoi mangayou nali ondo' pinagalung no ra kuliamos nali, am ondo' tinakou nali tatayaron no.
23 Osoi kalo maya' Raki', sotopot no manggal Raki'. Osoi kalo mangindangan Raki' manimung, sotopot no mampatuliar!”
Riwato siminaguli'
(Mat. 12:43-45)
24“Paat ra riwato mangiruan ra sasangulun, mangkakayat riwato no ra intok masiluk maguyum ra intok tangusan. Amon ru kolondo' matuum no, mindagu io, ‘Moonsoi sumaguli' aku subol ra intok ondo' tinatang kuli.’ 25Saguli' io am ilai' no mapasau am moonsoi baloi i. 26Ingkual riwato no am pangkimait ra tulu' riwato ra bokon ondo' malaat poyo intor riso, am ongoi ilo ayan ra inan ru ulun no. Baal ru ulun no malaat poyo toojo intor ra galing i.”
Kaansayan mantilayun
27Paat ri Jisus minindagu raginii, indagu boo Riso sangulun ruandu' intor ra tatanga' ru ulun masuang, “Pakaansuk noyo ruandu' ondo' naganak am nampatiti' rirun!”
28Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”
Mompogogot ra kaimuagan
(Mat. 12:38-42)
29 Tatanga' ru ulun masuang liminimpu ri Jisus, tungguli' No ragu Nali, “Mumpara' boo laat ru ulun ra raiti'! Mompogogot ilo ra kaimuagan. Kolondo' rondo' pana kaimuagan taakin risilo kaa' kaimuagan intor ri nabi Junus ayuk. 30 Koson ri nabi Junus nasauk ra rondo' tatandu' ra ulun ru bandar Niniwi ra galing i, Anak ru Ulun pana masauk ra tatandu' ra ulun ra raiti'. 31 Paat ra Orou Pupus no, Raja' ruandu' ru pagun Syiba migor am manguu' ra ulun ra raiti', sabap ra maalur ugar nali mongoi pangkirongog ra pangilaan matanda' intor ra Raja' Salomo i. Mindagu Aku ramuyun, giti raino mokoondo' sangulun maatang poyo intor ra Raja' Salomo! 32 Paat ra Orou Pupus no, mamagun ru Niniwi migor am manguu' ramuyun, sabap ra timinalikur ilo no intor ra tula nilo paat ra ilo nangkirongog ra ragu ri Junus. Kaa' giti raino mokoondo' sangulun ondo' maatang poyo intor ri Junus!”
Lampung ru inan
(Mat. 5:15; 6:22-23)
33 “Kolondo' sangulun pana mansikit ra lampung am pasibunion kapoam tingkapin ra pasu'. Maaru' patampakon no ra tampakan ru lampung, maa' raginio makito ru ulun sinda nano paat ra ilo mumpos. 34Mato muno koson ra lampung ru inan muno. Amon ru mato muno moonsoi, ngaangai' inan muno matawangan ru sinda no. Kaa' amon ru mato muno malaat, ngaangai' inan muno molondom. 35Ginio ra ilalai', pai' masaboi sinda ru inan muno lumondom! 36Amon ru natawangan inan muno ra sinda am kolondo' malandaman, ngaangai' inan muno matawang, koson sinilau kou ru lampung ondo' mapaang kaga'.”
Manguu' i Jisus ra ulun-ulun ru Parisi am mangingila' ra Ukum ri Musa
(Mat. 23:1-36; Mrk. 12:38-40)
37Kakai' ayuk i Jisus minindagu raginii, pangkimait sangulun ru Parisi no Riso mangakan giu' ra baloi nano. Ongoi i Jisus am panturung am tumalimpuun mangakan. 38Nangimuag ulun-ulun ru Parisi no nagilong ri Jisus nangakan am kalo nambagu' galing ra kalindu' maya' ra kaulayan nilai. 39Kaa' indagu Tuhan riso, “Akau ulun-ulun ru Parisi! Mampaliung kau ra ralimbou ru galas am piring mino, kaa' ralalom ru guang mino masuang puka' am kalaatan. 40Sasambungon kau! Karuo-ruo ralimbou am niayuk ralalom, binaal ri Aki Kapuuno'. 41Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.
42 Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.
43Mumpara' boo usung mino ulun ru Parisi! Masaga' kau ayuk ra panturungan pinabatang ra saang ra baloi sambayangan am urumaton ru ulun giu' ra pasar. 44Mumpara' boo usung mino! Koson kau ra lobong kolondo' tatandu' ondo' kinjangin ru ulun kaa' kalo mapandayan nilo.”
45Indagu sangulun intor ra mangingila' ra Ukum ri Musa no ri Jisus, “Mangingila', amon ru koson raginio ragu Muno, akai pana asabin Mu niayuk!”
46Taam i Jisus, “Akau pana mangingila' ra Ukum ri Musa, mumpara' boo usung mino! Pangilaan min ra maagat no pasaanin min ra ulun, kaa' akau galama' kalo masaga' mangindangan risilo. 47Mumpara' boo usung mino! Mambaal kau ra lobong ra moonsoi ru nabi-nabi ondo' pinatoi ru kinamatuaan mini. 48Binaal min ti mangiou niayuk ra kandoi ru kinamatuaan mini. Ilo namatoi ra nabi-nabi no am akau mambaal ra lobong nilai! 49Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’ 50Ginio boo ra ulun ra raiti' ukumin sabap ra namatayan ra ngaangai' nabi intor ra tana' ti binaal. 51 Io ginio intor ra namatayan ri Abil saboi ra namatayan ri Jakaria. Pinatoi io ra lolot ru altar am Intok Matulai. Balain takamin, ulun ra raiti' ukumin sabap ra namatayan ra ngaangai' nabi no.
52Akau mangingila' ra Ukum ri Musa, mumpara' boo usung mino! Binuni min kunsi' ru kulobon kapandayan. Akau galama' marara' sumubol kaa' manginga' kau ra ulun bokon ondo' mapirot mumpos!”
53Pakaugar i Jisus intor ra giu' i, sigain ragu Nali ru mangingila' ra ukum ri Musa am ulun-ulun ru Parisi. Masuang pangkuatan nilai Riso, 54koson maguyum ilo ra sala ralalom raguon Nali, maa' raginio makaalap ilo ra panguwan mamparakop Riso.
Currently Selected:
LUKAS 11: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
LUKAS 11
11
Pangilaan ri Jisus intor ra makiasi'
(Mat. 6:9-13; 7:7-11)
1Paat ra sangarawan, nakiasi' i Jisus giu' ra rondo' intok. Kakai' nakiasi', indagu sangulun intor ra maamaya' Nano, “Tuhan, ilaa' akai makiasi' koson i Juanis nangila' ra maamaya' nano nakiasi'.”
2Indagu i Jisus risilo, “Pakiasi' kano ri Aki Kapuuno' koson ragitio,
‘Ama',
omporon inggalan Muno.
Gama' ru Okou mamarinta giti ra tana' ti.
3Anii' akai no ra akanon ra moonong orou.
4Ampuno' noyo tula mai
sabap ra akai pana mangampun ra moonong ulun ondo' makatula ramon.
Am palabuso' akai no ra pangkinaman.’ ”
5Pagabig i Jisus ra maamaya' Nano, “Amon ru sangulun intor ramuyun mongoi ra baloi ru rangan ra iotanga' rondom, am mindagu io, ‘Rangan, pairaa' aku talu ngampila' ruti', 6sabap ra mokoondo' sangulun rangan kuno ralalom pangkiralanan minapit ra baloi kuno am kolondo' akanon pasulungon kuno riso!’ 7Ati koson amon ru tumaam rangan muno intor ra ralalom, ‘Pai' pantipagon raki'! Inangaban ku noyo kulobon no. Aku am anak-anak kuti nombobolong noyo, boboon aku sumukal mangani' rirun ra atan ayuk pana.’ ” 8Indagu i Jisus, “Ati kulaan? Kabalu' pana marara' io sumukal mangani' ra kitaakon muno, sabap ra io rangan muno, sumukal io niayuk am mangani' rirun, sabap ra kalo mauyu' kou makikitaak. 9Ginio ra mambala' Aku ramuyun: Pakitaak kano am aniin kau; paguyum kano am makaalap kau; titiko' min kulobon no am ukabin kau. 10Sabap ra moonong ulun ondo' makitaak makaalap, ondo' maguyum makatuum am kulobon ukabin ra ulun ondo' manitik. 11Kalo noyo lair sangulun ama' mangani' ra anak nano ra kukuo amon ru papait kitaakon nano! 12Kapoam mangani' ra lingait amon ru makitaak io ra talu'! 13Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”
I Jisus am i Biiljibul
(Mat. 12:22-30; Mrk. 3:20-27)
14Paat ra sangarawan nampagiru' i Jisus ra riwato ondo' nompokobobou. Pakapagiru' riwato i, tumalimpuun ulun no mindagu. Nangimuag ngai' ulun. 15 Kaa' mokoondo' minindagu, “Makapampagiru' Io ra riwato sabap ra inanian Io ri Biiljibul, Tingganai ru ngaangai' riwato no, ra kuasa'.”
16 Mokoondo' ulun ra bokon i masaga' mangkinam ri Jisus. Susubo' nilo i Jisus mambaal ra kaimuagan koson tatandu' ra iniou Io ri Aki Kapuuno'. 17Kaa' napandayan ri Jisus atan guangon nilai. Indagu Io risilo, “Rondo' pagun ondo' nakapantutuliar sabap ra mansasangor ilo ra rondo' am bokon, maaru' mapuso. Sambaloi ondo' nansusuai sabap ra mansasangor ilo ra rondo' am bokon, maaru' mabintas. 18Amon ru natatayar pamarintaan ru Tingganai ru riwato no sabap ra mansasangor ilo ra rondo' am bokon, ati kulaan ilo tumaan? Mindagu kau nampagiru' Aku ra riwato sabap ra inanian Aku ri Biiljibul ra kuasa'. 19Koson poyo raginio, osoi ra kuasa' inalap ru maamaya' mino mampagiru' ra riwato? Ilo galama' mapaintutun ra akau noyo galama' kalo motopot! 20I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.
21Amon ru sangulun maikang ondo' makailang magalung ra baloi nano galama', ngaangai' kuliamos nano kalo matakou. 22Kaa' amon ru sangulun ondo' maikang poyo intor riso no, mongoi pakimansangor riso, maaru' kalo maanggal no. Gaawo' ru ulun no kinandoi mangayou nali ondo' pinagalung no ra kuliamos nali, am ondo' tinakou nali tatayaron no.
23 Osoi kalo maya' Raki', sotopot no manggal Raki'. Osoi kalo mangindangan Raki' manimung, sotopot no mampatuliar!”
Riwato siminaguli'
(Mat. 12:43-45)
24“Paat ra riwato mangiruan ra sasangulun, mangkakayat riwato no ra intok masiluk maguyum ra intok tangusan. Amon ru kolondo' matuum no, mindagu io, ‘Moonsoi sumaguli' aku subol ra intok ondo' tinatang kuli.’ 25Saguli' io am ilai' no mapasau am moonsoi baloi i. 26Ingkual riwato no am pangkimait ra tulu' riwato ra bokon ondo' malaat poyo intor riso, am ongoi ilo ayan ra inan ru ulun no. Baal ru ulun no malaat poyo toojo intor ra galing i.”
Kaansayan mantilayun
27Paat ri Jisus minindagu raginii, indagu boo Riso sangulun ruandu' intor ra tatanga' ru ulun masuang, “Pakaansuk noyo ruandu' ondo' naganak am nampatiti' rirun!”
28Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”
Mompogogot ra kaimuagan
(Mat. 12:38-42)
29 Tatanga' ru ulun masuang liminimpu ri Jisus, tungguli' No ragu Nali, “Mumpara' boo laat ru ulun ra raiti'! Mompogogot ilo ra kaimuagan. Kolondo' rondo' pana kaimuagan taakin risilo kaa' kaimuagan intor ri nabi Junus ayuk. 30 Koson ri nabi Junus nasauk ra rondo' tatandu' ra ulun ru bandar Niniwi ra galing i, Anak ru Ulun pana masauk ra tatandu' ra ulun ra raiti'. 31 Paat ra Orou Pupus no, Raja' ruandu' ru pagun Syiba migor am manguu' ra ulun ra raiti', sabap ra maalur ugar nali mongoi pangkirongog ra pangilaan matanda' intor ra Raja' Salomo i. Mindagu Aku ramuyun, giti raino mokoondo' sangulun maatang poyo intor ra Raja' Salomo! 32 Paat ra Orou Pupus no, mamagun ru Niniwi migor am manguu' ramuyun, sabap ra timinalikur ilo no intor ra tula nilo paat ra ilo nangkirongog ra ragu ri Junus. Kaa' giti raino mokoondo' sangulun ondo' maatang poyo intor ri Junus!”
Lampung ru inan
(Mat. 5:15; 6:22-23)
33 “Kolondo' sangulun pana mansikit ra lampung am pasibunion kapoam tingkapin ra pasu'. Maaru' patampakon no ra tampakan ru lampung, maa' raginio makito ru ulun sinda nano paat ra ilo mumpos. 34Mato muno koson ra lampung ru inan muno. Amon ru mato muno moonsoi, ngaangai' inan muno matawangan ru sinda no. Kaa' amon ru mato muno malaat, ngaangai' inan muno molondom. 35Ginio ra ilalai', pai' masaboi sinda ru inan muno lumondom! 36Amon ru natawangan inan muno ra sinda am kolondo' malandaman, ngaangai' inan muno matawang, koson sinilau kou ru lampung ondo' mapaang kaga'.”
Manguu' i Jisus ra ulun-ulun ru Parisi am mangingila' ra Ukum ri Musa
(Mat. 23:1-36; Mrk. 12:38-40)
37Kakai' ayuk i Jisus minindagu raginii, pangkimait sangulun ru Parisi no Riso mangakan giu' ra baloi nano. Ongoi i Jisus am panturung am tumalimpuun mangakan. 38Nangimuag ulun-ulun ru Parisi no nagilong ri Jisus nangakan am kalo nambagu' galing ra kalindu' maya' ra kaulayan nilai. 39Kaa' indagu Tuhan riso, “Akau ulun-ulun ru Parisi! Mampaliung kau ra ralimbou ru galas am piring mino, kaa' ralalom ru guang mino masuang puka' am kalaatan. 40Sasambungon kau! Karuo-ruo ralimbou am niayuk ralalom, binaal ri Aki Kapuuno'. 41Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.
42 Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.
43Mumpara' boo usung mino ulun ru Parisi! Masaga' kau ayuk ra panturungan pinabatang ra saang ra baloi sambayangan am urumaton ru ulun giu' ra pasar. 44Mumpara' boo usung mino! Koson kau ra lobong kolondo' tatandu' ondo' kinjangin ru ulun kaa' kalo mapandayan nilo.”
45Indagu sangulun intor ra mangingila' ra Ukum ri Musa no ri Jisus, “Mangingila', amon ru koson raginio ragu Muno, akai pana asabin Mu niayuk!”
46Taam i Jisus, “Akau pana mangingila' ra Ukum ri Musa, mumpara' boo usung mino! Pangilaan min ra maagat no pasaanin min ra ulun, kaa' akau galama' kalo masaga' mangindangan risilo. 47Mumpara' boo usung mino! Mambaal kau ra lobong ra moonsoi ru nabi-nabi ondo' pinatoi ru kinamatuaan mini. 48Binaal min ti mangiou niayuk ra kandoi ru kinamatuaan mini. Ilo namatoi ra nabi-nabi no am akau mambaal ra lobong nilai! 49Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’ 50Ginio boo ra ulun ra raiti' ukumin sabap ra namatayan ra ngaangai' nabi intor ra tana' ti binaal. 51 Io ginio intor ra namatayan ri Abil saboi ra namatayan ri Jakaria. Pinatoi io ra lolot ru altar am Intok Matulai. Balain takamin, ulun ra raiti' ukumin sabap ra namatayan ra ngaangai' nabi no.
52Akau mangingila' ra Ukum ri Musa, mumpara' boo usung mino! Binuni min kunsi' ru kulobon kapandayan. Akau galama' marara' sumubol kaa' manginga' kau ra ulun bokon ondo' mapirot mumpos!”
53Pakaugar i Jisus intor ra giu' i, sigain ragu Nali ru mangingila' ra ukum ri Musa am ulun-ulun ru Parisi. Masuang pangkuatan nilai Riso, 54koson maguyum ilo ra sala ralalom raguon Nali, maa' raginio makaalap ilo ra panguwan mamparakop Riso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.