JUDIT 2
2
Pangayawan manggal ra bansa'-bansa' giu' ra kalasaan
1Paat ra orou karuo ngoopor am ruo ra sila' kasaa' bilor koopor am balu' pamarintaan ru Raja' Nibukadnijar namatas koson mapaugar ra lolob ru ukum ra bansa'-bansa' ondo' ragili marara' mangindangan riso. 2Nanimung io ra ngaangai' tingganai ru pagawai am tingganai ru saujor no am napaugar ra pantutuuman nasibuni risilo. Nampatanou raja' ra namatasan nano koson mangukum ra ngaangai' bansa' ondo' minanggal ra susuban nano. 3Ulun ondo' nantutuum no nangiou ra bansa'-bansa' ondo' minanggal ra susuban ru raja' no musiti' pusoon. 4Kopongo pantutuuman no, nampiau raja' no ri Golopirnis, panglima masawat nano, ulun karuo nalupus raja' am mindagu riso, 5“Aku Raja' Nibukadnijar, raja' matulai am nanguasa' ra ngaangai' tana', manusub rirun mongoi pagibit ra saujor-saujor ondo' baani suang 120,000 ngaulun pulalai ru saujor mantana' am 12,000 ngaulun pulalai ru manangkuda. 6Sumonsog pangayou manggal ra ngaangai' wilayah ru kalasaan, sabap ra mamagun no minanggal ra susuban kutu. 7Susubo' ilo mampatampos ra tana' am timug koson tatandu' ra ilo makirakop. Paabuson ku sangit kuno risilo. Polosoon ku saujor-saujor kuno manginjang-nginjang ra moonong dangou ru tana' nilono am tokowon rapu' kalangkayaan nilono. 8Limayak-limayak suangin ra ngaangai' ulun nilono ondo' mapilatan. Sungoi-sungoi lumuab sabap mososok ra baangkai. 9Ulun ondo' lakat poyo maayag no rokopon am ibiton ra sangkiingan ru tana'.
10Kaa' okou Golopirnis, musiti' magulu raki' am ayanin ngaangai' wilayah nilono. Mopongo ra ilo makirakop, ingai' ilo saboi aku matong koson mangukum risilo. 11Amon manggal ilo, pai' pakaasi' risilo. Potoyo' ilo am gaawon ngaangai' wilayah nilono, 12sabap ra nakapagibot aku noyo sabap ru bayag kutu am sabap ra kasingkatan ru karajaan kutu, am gogoton ku suguto'. 13Pai' anggalo' rondo' pana ra susuban kutu. Karaa' ra aku ti raja' muno. Ginio ra suguto' ra mataki' atan ondo' susuban kuno rirun!”
Pamulunsaran ri Golopirnis
14Golopirnis pana minugar nangiruan ra raja' am nanimung ra ngaangai' tingganai ru saujor, panglima am tingganai pulalai ru saujor ru Asyur. 15Maaya' ra susuban ru raja', nampili' io 120,000 ngaulun pulalai ru saujor mantana' am 12,000 ngaulun pulalai ru mamanah ra manangkuda ondo' moonsoi kaga', 16am napatampos risilo ra pangayawan. 17Inibit no niayuk masuang kaga' unta, kaladai am baghal koson magaut ra kuliamos nilono. Suai raginio nagibit ilo ra masuang kaga' domba, sapi' am kambing koson ula' nilo, 18am niayuk pantayaran ondo' masuang kaga' tayar ru moonong saujor, am masuang kaga' mas am pirok intor ra pambulian ra kuliamos ru raja'.
19Golopirnis pana minugar nababaya' ra ngaangai' ru saujor nano nagulu ra Raja' Nibukadnijar. Ngaangai' kurita' kuda mangayou, pulalai manangkuda am pulalai ru saujor mantana' jumalai liminayak ra titikop ru wilayah kalasaan. 20 Masuang kaga' pulalai ra bokon minaya' niayuk. Suang no kalo mauntob koson ra sampanon ru gapu' kapoam agis giu' ra nagas.
21Intor ra bandar Niniwi, minugar ilo talu ngoorou buoi no nansail ra tana' limayak Biktilit. Ilo pana nangkim maar ra bulur ra sapapa' ru ralayo ru Kilikia. 22Intor ra giu' no i Golopirnis am ngaangai' ru saujor nano, pulalai ru saujor mantana', pulalai manangkuda am nangkurita' kuda mangayou nano siminubol ra libung ondo' makabulur. 23Libung ru Pud am Lud tinutuk no; ulun ru Rasis am Ismail ondo' minayan ra kiing ru tana' kaagisan giu' ra tampilon rabugus ru libung Gilion ginaawan ra kuliamos nilono.
24Kopongo raginio liminaup i Golopirnis ra Sungoi Iprat am siminail ra libung Misopotamia am nomopol ra ngaangai' bandar mokoondo' ra kubu ra gagawar ru Sungoi Abrona saboi ra raat. 25Libung Kilikia ginaau am moonong ulun ondo' minanggal no pinatoi. Io pana jiminalai poyo saboi ra balitan ru libung ru Japit ra rabugus, mamaar ra Arabia. 26Inawangan no ulun ru Midian, intok nangkiman nilono sinolob saboi nakai' am bibiag tinambiag nilo ginaau.
27Bulintok pangkumasan ra gandum, timinuun i Golopirnis ra tana' limayak giu' ra liliut ru Damsyik. Umo-umo sinuruan no, bibiag tinambiag ra maayo am boborok sinimbalui, bandar-bandar tinakawan, ngaangai' ru libung pagitanaman inurana' am ngaangai' ulun mamulok ra giu' no pinatoi. 28Ngaangai' boo ru ulun ondo' minayan ra gagawar ru Raat Tanga' am niayuk mamagun ra bandar Tirus, Sidon, Sur, Okina, Jamnia, Asdod am Askilon songonsol-ngonsol malaa'.
Currently Selected:
JUDIT 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
JUDIT 2
2
Pangayawan manggal ra bansa'-bansa' giu' ra kalasaan
1Paat ra orou karuo ngoopor am ruo ra sila' kasaa' bilor koopor am balu' pamarintaan ru Raja' Nibukadnijar namatas koson mapaugar ra lolob ru ukum ra bansa'-bansa' ondo' ragili marara' mangindangan riso. 2Nanimung io ra ngaangai' tingganai ru pagawai am tingganai ru saujor no am napaugar ra pantutuuman nasibuni risilo. Nampatanou raja' ra namatasan nano koson mangukum ra ngaangai' bansa' ondo' minanggal ra susuban nano. 3Ulun ondo' nantutuum no nangiou ra bansa'-bansa' ondo' minanggal ra susuban ru raja' no musiti' pusoon. 4Kopongo pantutuuman no, nampiau raja' no ri Golopirnis, panglima masawat nano, ulun karuo nalupus raja' am mindagu riso, 5“Aku Raja' Nibukadnijar, raja' matulai am nanguasa' ra ngaangai' tana', manusub rirun mongoi pagibit ra saujor-saujor ondo' baani suang 120,000 ngaulun pulalai ru saujor mantana' am 12,000 ngaulun pulalai ru manangkuda. 6Sumonsog pangayou manggal ra ngaangai' wilayah ru kalasaan, sabap ra mamagun no minanggal ra susuban kutu. 7Susubo' ilo mampatampos ra tana' am timug koson tatandu' ra ilo makirakop. Paabuson ku sangit kuno risilo. Polosoon ku saujor-saujor kuno manginjang-nginjang ra moonong dangou ru tana' nilono am tokowon rapu' kalangkayaan nilono. 8Limayak-limayak suangin ra ngaangai' ulun nilono ondo' mapilatan. Sungoi-sungoi lumuab sabap mososok ra baangkai. 9Ulun ondo' lakat poyo maayag no rokopon am ibiton ra sangkiingan ru tana'.
10Kaa' okou Golopirnis, musiti' magulu raki' am ayanin ngaangai' wilayah nilono. Mopongo ra ilo makirakop, ingai' ilo saboi aku matong koson mangukum risilo. 11Amon manggal ilo, pai' pakaasi' risilo. Potoyo' ilo am gaawon ngaangai' wilayah nilono, 12sabap ra nakapagibot aku noyo sabap ru bayag kutu am sabap ra kasingkatan ru karajaan kutu, am gogoton ku suguto'. 13Pai' anggalo' rondo' pana ra susuban kutu. Karaa' ra aku ti raja' muno. Ginio ra suguto' ra mataki' atan ondo' susuban kuno rirun!”
Pamulunsaran ri Golopirnis
14Golopirnis pana minugar nangiruan ra raja' am nanimung ra ngaangai' tingganai ru saujor, panglima am tingganai pulalai ru saujor ru Asyur. 15Maaya' ra susuban ru raja', nampili' io 120,000 ngaulun pulalai ru saujor mantana' am 12,000 ngaulun pulalai ru mamanah ra manangkuda ondo' moonsoi kaga', 16am napatampos risilo ra pangayawan. 17Inibit no niayuk masuang kaga' unta, kaladai am baghal koson magaut ra kuliamos nilono. Suai raginio nagibit ilo ra masuang kaga' domba, sapi' am kambing koson ula' nilo, 18am niayuk pantayaran ondo' masuang kaga' tayar ru moonong saujor, am masuang kaga' mas am pirok intor ra pambulian ra kuliamos ru raja'.
19Golopirnis pana minugar nababaya' ra ngaangai' ru saujor nano nagulu ra Raja' Nibukadnijar. Ngaangai' kurita' kuda mangayou, pulalai manangkuda am pulalai ru saujor mantana' jumalai liminayak ra titikop ru wilayah kalasaan. 20 Masuang kaga' pulalai ra bokon minaya' niayuk. Suang no kalo mauntob koson ra sampanon ru gapu' kapoam agis giu' ra nagas.
21Intor ra bandar Niniwi, minugar ilo talu ngoorou buoi no nansail ra tana' limayak Biktilit. Ilo pana nangkim maar ra bulur ra sapapa' ru ralayo ru Kilikia. 22Intor ra giu' no i Golopirnis am ngaangai' ru saujor nano, pulalai ru saujor mantana', pulalai manangkuda am nangkurita' kuda mangayou nano siminubol ra libung ondo' makabulur. 23Libung ru Pud am Lud tinutuk no; ulun ru Rasis am Ismail ondo' minayan ra kiing ru tana' kaagisan giu' ra tampilon rabugus ru libung Gilion ginaawan ra kuliamos nilono.
24Kopongo raginio liminaup i Golopirnis ra Sungoi Iprat am siminail ra libung Misopotamia am nomopol ra ngaangai' bandar mokoondo' ra kubu ra gagawar ru Sungoi Abrona saboi ra raat. 25Libung Kilikia ginaau am moonong ulun ondo' minanggal no pinatoi. Io pana jiminalai poyo saboi ra balitan ru libung ru Japit ra rabugus, mamaar ra Arabia. 26Inawangan no ulun ru Midian, intok nangkiman nilono sinolob saboi nakai' am bibiag tinambiag nilo ginaau.
27Bulintok pangkumasan ra gandum, timinuun i Golopirnis ra tana' limayak giu' ra liliut ru Damsyik. Umo-umo sinuruan no, bibiag tinambiag ra maayo am boborok sinimbalui, bandar-bandar tinakawan, ngaangai' ru libung pagitanaman inurana' am ngaangai' ulun mamulok ra giu' no pinatoi. 28Ngaangai' boo ru ulun ondo' minayan ra gagawar ru Raat Tanga' am niayuk mamagun ra bandar Tirus, Sidon, Sur, Okina, Jamnia, Asdod am Askilon songonsol-ngonsol malaa'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.